Demsiły zładzili pryjom u Prazie z nahody 9 žniŭnia. Byŭ niezvyčajny hość — dypłamat sajuznaj Łukašenku krainy
Padrabiaznaści daviedaŭsia karespandent «Našaj Nivy», jaki taksama byŭ na pryjomie.
Ofis demakratyčnych sił Biełarusi ŭ Prazie arhanizavaŭ pryjom z nahody čaćviortaj hadaviny prezidenckich vybaraŭ 9 žniŭnia 2020 hoda, kudy zaprasili biełaruskich aktyvistaŭ, hramadskich dziejačaŭ, byłych palitviaźniaŭ, a taksama češskich čynoŭnikaŭ i dypłamataŭ roznych krain.
Siarod zamiežnych dypłamataŭ i pasłoŭ, jakija naviedali pryjom, akazaŭsia i pradstaŭnik Armienii — druhi sakratar pasolstva Armienii ŭ Češskaj respublicy Aram Karamian.
Padobnaha aficyjnaha ŭdziełu armianskaha boku ŭ mierapryjemstvach, arhanizavanych biełaruskimi demakratyčnymi siłami ŭ Čechii, raniej nie było, adznačyła «Našaj Nivie» arhanizatarka pryjomu i kiraŭnica Ofisa demakratyčnych sił Biełarusi ŭ Prazie Kryścina Šyjanok.
Va ŭstupnaj častcy pryjomu Šyjanok nahadała ŭsim prysutnym pra ciažki los biełaruskich palitviaźniaŭ i hramadstva ŭ cełym i padkreśliła nieabchodnaść bolš ščylnaha supracoŭnictva biełaruskich demakratyčnych siłaŭ ź ich partniorami i sajuźnikami.
«Ja chaču padziakavać usim našym siabram i palityčnym sajuźnikam za ich padtrymku na praciahu ŭsich hetych hadoŭ. Ja rada bačyć tut pradstaŭnikoŭ Armienii, Francyi, Hiermanii, Izraila, Litvy, Polščy i inšych. Asabliva chaču padziakavać pasolstvu ZŠA, jakoje dapamahło nam arhanizavać u mai hetaha hoda samy bujny kanhres pa biełaruskich palitviaźniach.
Ja liču, što čym bolš my ŭsie budziem supracoŭničać, tym mienš u Rasii budzie šancaŭ naviazać tatalitarnaje kiravańnie susiednim dziaržavam i tym biaśpiečniejšaj budzie Jeŭropa ŭ budučyni», — zajaviła arhanizatarka pryjomu Kryścina Šyjanok.
Usie prysutnyja hladzieli zvarot Śviatłany Cichanoŭskaj, śpiecyjalna zapisany dla haściej pryjomu.
«Naša Niva» — bastyjon biełaruščyny
PADTRYMAĆKolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary