U čym biełarusy zachoŭvajuć hrošy? Vyniki apytańnia mohuć ździvić
U kryptavalutu ŭkładajucca bolš, čym u nieruchomaść.
Apytańnie daśledčaha centra BEROC pravodziłasia ŭ lipieni 2024 hoda. 64% respandentaŭ adkazali, što adkładajuć častku svaich dachodaŭ. Jak jany zachoŭvajuć źbieražeńni?
Dva samyja papularnyja sposaby — najaŭnyja hrošy ŭ zamiežnaj valucie i ŭ biełaruskich rublach. Pryčym kolkaść tych, chto tak robić, amal adnolkavaja — 47% i 46% tych, chto adkładaje zarobak, adpaviedna.
Z tych, chto źbierahaje ŭ valucie, pieravažnaja bolšaść abiraje dalar (90%). Paśla idzie jeŭra (38%) i rasijski rubiel (14%).
Na trecim miescy sa sposabaŭ źbieražeńnia — bankaŭski depazit u biełaruskich rublach (21% ź liku tych, chto adkładaje).
Bankaŭskija depazity ŭ valucie trymajuć 8% apytanych, jakija zachoŭvajuć hrošy.
Inšyja sposaby mienš papularnyja ci mienš dastupnyja. Tak, naprykład, u nieruchomaść układajecca 3% z tych, chto maje źbieražeńni (a ŭ nieruchomaść za miažoj — 1%), u kryptavalutu — 5%.
Kali pahladzieć na toje, jak biełarusy chacieli b zachoŭvać hrošy, to kudy bolš addali b pieravahu kuplać majomaść i kudy mienš — trymać źbieražeńni ŭ biełaruskich rublach.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary