18-hadovaha chłopca z Bychava sudziać za «zdradu dziaržavie» za «suviazi z SBU»
U Mahiloŭskim abłasnym sudzie 29 lipienia pačali sudzić 18-hadovaha chłopca z Bychava Stanisłava Šapiela.
Jaho abvinavačvajuć u «zdradzie dziaržavie» (č. 1 art. 356 Kryminalnaha kodeksa) nibyta za «suviazi z SBU». Padrabiaznaści pieraśledu Stanisłava paviedamlalisia ŭ prapahandysckim filmie ANT. Spravu ŭ zakrytym režymie razhladaje sudździa Pavieł Klimaŭ. Chłopcu pahražaje ad siami da 15 hadoŭ kałonii, piša «Viasna».
Jak paviedamlałasia ŭ filmie ANT «Dieti na priciele. Zavierbovannyje vrahom», Stanisłava vinavaciać u tym, što jon zhadziŭsia być kurjeram dla «arhanizacyi, jakuju kuryravała SBU».Tam jaho pradstavili jak ahienta ŭkrainskich śpiecsłužbaŭ — maŭlaŭ, chłopiec zapisaŭ videa, što «hatovy pracavać suprać FSB i Pucina». Ale na momant zdymki filma jon užo adbyvaŭ pakarańnie ŭ kałonii za «machlarstva».
Jak pisała «Naša Niva», sud adbyŭsia ŭ traŭni 2024-ha. Prysud nieviadomy, termin moža składać ad 3 da 10 hadoŭ kałonii sa štrafam.
Zhodna ź filmam ANT, u studzieni 2023 hoda tady jašče 16-hadovy chłopiec z šmatdzietnaj siamji šukaŭ pracu ŭ internecie. Jon natrapiŭ na machlaroŭ, jakija prapanavali pracu kurjeram — zabirać i pieravozić hrošy. Stanisłavu skazali zapisać videa, na jakim jon zajaviŭ, što padtrymlivaje Ukrainu i byccam by zhadžajecca pracavać dla SBU.
«Ja, Stanisłaŭ Šapiel, Mahiloŭ. Vystupaju suprać vajny va Ukrainie i Pucina. Padtrymlivaju Ukrainu. Hatovy pracavać suprać FSB i pucinskaha režymu, pieradavać danyja dysłakacyi rasijskich vojskaŭ i akazvać inšuju dapamohu ŭ vajnie suprać Rasii. Budu spansiravać i pracavać na SBU. Słava Ukrainie!» — havorycca na videa.
Sapraŭdnaja pazicyja chłopca pry hetym nieviadomaja.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary