Łukašenka paśpiašaŭ pavinšavać Maduru ź pieramohaj na vybarach prezidenta Vieniesueły
Alaksandr Łukašenka ad siabie asabista i ad imia biełaruskaha naroda pavinšavaŭ Nikałasa Maduru ź pieramohaj na prezidenckich vybarach, piša jahonaja pres-słužba.
«Žychary vašaj krainy takim čynam padtrymali kurs na pabudovu sučasnaj i niezaležnaj dziaržavy, u jakoj narod moža samastojna vyznačać svoj los. U vielmi niaprostych umovach vieniesuelskamu ŭradu ŭdałosia vyjści na pastupalnaje adnaŭleńnie ekanomiki i pavyšeńnie ŭzroŭniu žyćcia zvyčajnych hramadzian. Ćviorduju pazicyju aficyjnaha Karakasa dobra čutno na ŭsich mižnarodnych placoŭkach», — havorycca ŭ vinšavańni.
Łukašenka vykazaŭ spadzieŭ, što da kanca hoda jon z Maduram zmoža sustrecca, kab «pradmietna abmierkavać stan vykanańnia našych damoŭlenaściej».
Łukašenka pažadaŭ Nikałasu Maduru vydatnaha zdaroŭja i nievyčerpnaj enierhii dla realizacyi ŭsich płanaŭ pa budaŭnictvu mocnaj i kvitniejučaj Vieniesueły.
Lidary inšych krain śvietu ŭžo zajavili, što nie pryznajuć aficyjnyja vyniki vybaraŭ. Prezident Arhienciny Milej zaklikaŭ armiju Vieniesueły abaranić demakratyju i volu naroda.
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22
Kamientary
V etoj osi - vsio, "pieriedovaja miedicina, tiechnołohii, pieriedovaja nauka, iskusstviennyj intielekt, vysokije dochody, vysokaja prodołžitielnosť žiźni, vierchovienstvo prava, niezavisimyje sudy, niezavisimaja priessa, čiestnyje vybory, ravienstvo pieried zakonom, raśćviet diemokratii....i t.d. i t.p."