Pastanoŭščyk cyrymonii adkryćcia Hulniaŭ u Paryžy adkazaŭ na krytyku
Apytańnie, darečy, pakazała, što 86% respandentaŭ u Francyi pastavilisia da cyrymonii adkryćcia Hulniaŭ stanoŭča.
Režysior cyrymonii adkryćcia letnich Alimpijskich hulniaŭ u Paryžy Tama Žali adchiliŭ krytyku, što jon i hieroi jaho čatyrochhadzinnaha maštabnaha šou, u jakim udzielničali dreh-artysty, zajšli zanadta daloka. Žali nastojvaje, što pastanoŭka była zadumana, kab stvaryć atmaśfieru lubovi i pamiarkoŭnaści, piša Rasijskaja słužba Radyjo Svaboda.
Cyrymonija prachodziła na bierahach Sieny, pablizu vostrava Site, sabora Notr-Dam, Łuŭra, sadu Ciuilry, Ejfielevaj viežy i inšych hałoŭnych słavutaściaŭ francuzskaj stalicy. Upieršyniu letniaja Alimpijada adkryłasia za miežami hałoŭnaha stadyjona spabornictvaŭ.
Stvaralnik cyrymonii admaŭlaje, što scena z amal aholenym akcioram była natchnionaja freskaj Leanarda Da Vinčy «Tajnaja viačera».
Niekatoryja katalickija hrupy i francuzskija biskupy raniej asudzili toje, što jany paličyli «scenami kpinaŭ z chryścijanstva» padčas piatničnaha šou, da ich dałučylisia ŭltra-pravyja.
Krytyka zasiarodziłasia na epizodzie z udziełam tancoraŭ, dreh-kvin i dydžeja ŭ pozach, jakija nahadvajuć vyjavy «Apošniaj viačery» — apošniaj trapiezy Isusa Chrysta sa svaimi dvanaccaćciu vučniami.
«Vidavočna, što ŭ nas nikoli nie było namieru prajavić niepavahu da jakoj-niebudź relihijnaj hrupy. I kali chtości na niešta pakryŭdziŭsia, to my vielmi i vielmi škadujem», — zajaviła žurnalistam u niadzielu pres-sakratar arhkamiteta «Paryž — 2024» Hanna Dekamp.
«Vy nikoli nie znojdziecie ŭ majoj pracy nijakaha žadańnia vyśmiejvać abo ačarniać kahości. Ja chacieŭ, kab cyrymonija abjadnała ludziej i adnačasova paćvierdziła prychilnaść našym respublikanskim kaštoŭnaściam svabody, roŭnaści i braterstva», — dadaŭ Žali.
Ahienctva France-Presse u niadzielu pryviało vyniki apytańnia, jakoje na zamovu arhkamiteta Alimpijady praviała daśledčaja hrupa Harris.
Apytańnie pakazała, što 86% respandentaŭ u Francyi pastavilisia da cyrymonii adkryćcia Hulniaŭ stanoŭča.
U Paryžy prajšła hrandyjoznaja i navatarskaja cyrymonija adkryćcia Alimpijskich hulniaŭ FOTY
Gojira dała čadu na adkryćci Alimpijady VIDEA
Sacsietki vybuchnuli paśla sprečnaha epizodu na adkryćci Alimpijskich hulniaŭ
Arhanizatary Alimpijady paprasili prabačeńnia za adsyłku da «Tajnaj viačery» na cyrymonii adkryćcia
Biełaruska Alina Zmuška prabiłasia ŭ finał u płavańni na 100 m brasam
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
Dyj liberte pry nas pazytyŭnaja, ščyra kažučy, svaboda NA (nasuprać svabodzie AD -nehatyŭnaj)