«Z Paryža ź luboŭju» — zubadrabilny naparnicki bajavik z Džonam Travołtam i Džonatanam Rys Majercam.
Z Paryža ź luboŭju (From Paris with Love)
Francyja, 2010, kalarovy, 92 chv.
Režysior: Pjer Marel
Roli vykonvajuć: Džonatan Rys Majers, Džon Travołta, Embier Rouz Sieva, Kasia Smutniak, Mielisa Mars, Ryčard Darden
Žanr: Naparnicki bajavik
Adznaka: 7 (z 10)
Małady supracoŭnik amierykanskaj ambasady ŭ Paryžy prahnie być špieham. Hieroj stanovicca pamahatym ahienta Ueksa, lubimyja pryjomy jakoha — streły i ŭdar kułakom. Šachmacist-cichonia ŭciahvajecca ŭ šalnyja pryhody.
Karcina Pjera Marela, spradusavanaja Lukam Biesonam — zuchavaty naparnicki bajavik ź bieśpierapynnaj intryhaj, aŭtamabilnymi honkami — i niečakanaju kulaju ŭ łob. Nierv karciny — charaktary-typažy.
Hieroj Rysa Majersa — svajak cichaha zabojcy-karjerysta, syhranaha aktoram u «Matč Pojncie».
Bura i ŭrahan pobač — paholeny nałysa zabijaka — Džon Travołta. Były tarancinaŭski hanhster z asałodaju vučyć naparnika, jaki refleksuje i sumniajecca — praviłam pierastrełak. Žarty pry hetym nie vyklučajucca.
Raźniesienyja va ŭščent manekiny, vaza z kakainam, hory trupaŭ (pa adnym za kožnuju hadzinu pryhodaŭ Travołty ŭ Paryžy).
Kitajska-pakistanskija terarysty takoj dziejnaściu buduć niezadavolenyja.
Zatoje žanr — čysty. Paryžski bajavik — zubadrabilny, testasteronavy i vidoviščny.
Kamientary