Na biełaruska-kitajskich vučeńniach pad Brestam adpracoŭvali zachop aeraporta
Antyterarystyčnyja vučeńni Eagle Assault (Atakujučy Sokał) prajšli niedaloka ad miažy z Polščaj i Ukrainaj.
Pra heta paviedamlaje hankonskaja hazieta South China Morning Post.
Pavodle źviestak vydańnia, vučeńni prajšli pad Brestam, za 28 km ad miažy z Ukrainaj i Polščaj.
«Na palihonie «Brescki» biełaruska-kitajskija pavietrana-pošukavyja šturmavyja hrupy adpracavali pošuk bazavaha łahiera ŭmoŭnaj terarystyčnaj arhanizacyi. A paśla jaho vyjaŭleńnia ździejśnili desantavańnie ź viertalotaŭ Mi-8MTV-5», — havorycca ŭ paviedamleńni abaronnaha viedamstva Biełarusi.
U liku inšaha była adpracavana apieracyja pa ŭziaćci kantrolu nad aeraportam, jaki pa scenaryi byŭ zachopleny terarystyčnaj arhanizacyjaj.
Vučeńni stali pieršymi sumiesnymi manieŭrami dźviuch krain. Minabarony Kitaj apublikavała paviedamleńnie ŭ WeChat, u jakim adznačyła dobryja techničnyja navyki i salidny ŭzrovień padrychtoŭki vojskaŭ dźviuch krain.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary