«Heta cikavaje pytańnie. Dumaju, što jano b abmiarkoŭvałasia dastatkova šyrokim kołam našaj kamandy».
U novym vypusku TOKu ŭ kiraŭnika Fondu salidarnaści BySol Andreja Stryžaka spytali, ci ŭziaŭ by jon ad Juryja Čyža miljon dalaraŭ.
«Heta cikavaje pytańnie. Tamu što jon nibyta trochu represavany zaraz (ale jasna, što nie represavany). Dumaju, što hetaje pytańnie abmiarkoŭvałasia b dastatkova šyrokim kołam našaj kamandy. I ja prahnazuju, što rašeńnie chutčej było b «nie». Tamu što heta reputacyjnyja ryzyki, straty».
Na pytańnie, ci nie važniejšyja palitviaźni za reputacyjnyja ryzyki, Stryžak zaŭvažyŭ:
«Kali ty možaš adnym hrašovym tranšam razvalić usiu sistemu salidarnaści, to na**r takija hrošy?»
Stryžak upeŭnieny, što hrošy — nie samy redki resurs. «Jasna, što ty možaš źbirać ich ceły hod albo adzin dzień, ale vynik budzie toj ža samy: voś jany ŭ ciabie jość, ty ich vydatkavaŭ, i ich u ciabie niama.
A kali ty voźmieš niejkija hrošy, jakija abrežuć absalutna ŭsie inšyja hrošy, to ty ich adzin raz patraciš i ŭsio. Potym ty nie zmožaš pracavać pa prafiesii».
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»25
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary