«Čas sekand chend» Śviatłany Aleksijevič uvajšoŭ u sto najlepšych knih XXI stahodździa pa viersii The New York Times
Epas «Čas sekand chend» biełaruskaj nobieleŭskaj łaŭreatki Śviatłany Aleksijevič trapiŭ u rejtynh The New York Times Book Review «100 najlepšych knih XXI stahodździa». Tvor uvajšoŭ u śpis vybitnych knih pieršaj čverci biahučaha vieku, składzieny pa vynikach hałasavańnia 503 piśmieńnikaŭ, paetaŭ, krytykaŭ, publicystaŭ, redaktaraŭ, vydaŭcoŭ, pierakładčykaŭ, piša Reform.news.
Kniha Aleksijevič — na 72-m miescy rejtynhu.
«Čas sekand chend», jaki časam žanrava akreślivajuć jak «trahičny epas savieckaha naroda», pradstaŭleny ŭ rejtynhu The New York Times nastupnym čynam:
«Z usich hrandyjoznych niaŭdałych ekśpierymientaŭ XX stahodździa niešmatlikija skončylisia bolš biassłaŭna, čym ambicyjnaja impieryja, viadomaja na praciahu niapoŭnych siami dziesiacihodździaŭ jak SSSR. Hibiel mary pra kamunizm adlustroŭvajecca ŭ vusnaj historyi łaŭreata Nobieleŭskaj premii Aleksijevič i jaje biasstrašnym partrecie ludziej, jakija pieražyli savieckuju dziaržavu (ci nie pieražyli) — byłyja źniavolenyja, čynoŭniki Kamunistyčnaj partyi, zvyčajnyja hramadzianie ŭsich maściaŭ — heta čytvo, jakoje zachaplaje i adkryvaje vočy».
Śpis «najbolš upłyvovych knih epochi» farmiravaŭsia praz apytańnie sotniaŭ prazaikaŭ, piśmieńnikaŭ, publicystaŭ, navukoŭcaŭ, redaktaraŭ knih, žurnalistaŭ, krytykaŭ, vydaŭcoŭ, paetaŭ, pierakładčykaŭ, pradaŭcoŭ knih, biblijatekaraŭ dy inšych litaraturnych karyfiejaŭ.
Respandentam dazvalałasia vyznačać «10 najlepšych knih», sychodziačy sa svajho mierkavańnia. Dla niekatorych heta aznačała prosta «ŭlubionyja knihi»; dla inšych — knihi, jakija čytali i buduć čytać niekalki pakaleńniaŭ. Adzinaje praviła — tvor musić być apublikavany ŭ Złučanych Štatach na anhlijskaj movie nie raniej za 1 studzienia 2000 hoda.
U apytańni pryniali ŭdzieł: Styvien Kinh, Boni Harmus, Kłaŭdyja Renkin, Džejms Patersan, Sara Džesika Parkier, Karł Uvie Knaŭshaard, Elin Childerbrand, Tomas Čatertan Uiljams, Raksana Hiej, Marłon Džejms, Sara Maklin, Min Džyn Li, Džonatan Letem i Džena Buš Chahier dy inšyja tvorcy.
Paznajomicca z aktualnym rejtynham možna tut.
«Čas sekand chend» Śviatłany Aleksijevič trapiŭ u śpis najlepšych knih pa viersii mižnarodnaj žurnalisckaj sietki IJNet
Śviatłana Aleksijevič: Čamu my akazalisia ŭ rukach samaj prymityŭnaj dyktatury, składana adkazać
Aleksijevič pra praročuju razmovu ŭ 2019 hodzie: My z vami budziem nieŭzabavie ŭciakać adsiul
39 nobieleŭskich łaŭreataŭ, uklučna sa Śviatłanaj Aleksijevič, zaklikali ŭzmacnić padtrymku Ukrainy i nie pryznavać Pucina prezidentam
26 nobieleŭskich łaŭreataŭ patrabujuć vyzvalić biełaruskich palitviaźniaŭ. Jany zaklikali zakryć hruzavy čyhunačny ruch praź miežy Biełarusi i ES
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary