«Biełsat» pierastanie być samastojnaj adzinkaj u struktury TVP
Kiraŭnictva Polskaj televizii anansavała vialikija źmieny ŭ pracy svaich zamiežnych redakcyj, u liku jakich jość «Biełsat» i jaho ruskamoŭny filijał «Vot tak». Jakaja budučynia čakaje telekanał?
Kiraŭnictva polskaj telekampanii TVP World zajaviła ab chutkim stvareńni «Centra zamiežnych teleprahram», jaki voźmie pad kantrol usie redakcyi i anteny, jakija tranślujuć naviny na zamiežnych movach, piša Gazeta Prawna.
Ciapier «Biełsat» — samastojnaje padraździaleńnie ŭ składzie TVP, naroŭni z TVP World. Paśla źmienaŭ telekanał uvojdzie ŭ strukturu, jakaja budzie padparadkoŭvacca TVP World. Heta značyć, stanie mienš aŭtanomnym.
«Akramia «Biełsata» i «Vot tak», budzie taksama stvoranaja ŭkrainskamoŭnaja redakcyja, jakaja pačnie pracu 1 sakavika 2025 hoda. Na kožnuju z redakcyj budzie vydatkavana pa 6 hadzin viaščańnia štodzień», — raspavioŭ kiraŭnik TVP World Michał Braniatoŭski.
Braniatoŭski pry hetym padziakavaŭ «Biełsat» za jaho dasiahnieńni ŭ baraćbie za niezaležnaść Biełarusi i adznačyŭ, što novyja praviły nie majuć na ŭvazie źniknieńnie «Biełsata».
Polski MZS u svaju čarhu zapeŭniŭ, što finansavańnie zamiežnych redakcyj, u tym liku «Biełsata», zastaniecca niaźmiennym.
Nahadajem, što prablemy ŭ «Biełsata» ŭźnikli z pryčyny reformy hramadskich ŚMI ŭ Polščy, u tym liku telekampanii TVP.
Situacyja stała vynikam źmieny kiraŭnictva Polskaj televizii. Kadravyja pierastanoŭki inicyjavała novaja ŭłada, što pryjšła paśla parłamienckich vybaraŭ. Byŭ taksama zvolnieny mieniedžmient Polskaha radyjo i Polskaj ahiencyi druku.
Siarod zvolnienych akazałasia i Ahnieška Ramašeŭskaja-Huzy, jakaja 17 hod kiravała «Biełsatam» na pasadzie dyrektarki. Pry hetym joj nibyta śpiarša prapanavali zvolnicca pa ŭłasnym žadańni i «z załatym parašutam», to-bok na vielmi dobrych umovach, ale žančyna na heta nie pahadziłasia.
Kiraŭnikom «Biełsata» ciapier staŭ Alaksiej Dzikavicki.
Ciapier čytajuć
Ad 300 000 da 500 000 dalaraŭ. Stała viadoma, chto pryvioz Džejsana Deruła ŭ Biełaruś4
Kamientary
Nu ale jany ž kaniešnie nie suprać
Voś, kali łaska.
Darečy, zdajecca nivodnaje "svabodnaje" biełaruskaj ŚMI nie apublikavała artykuł ab padtrymcy pani Anhnieški z boku polskich žurnalistaŭ i ekśpiertaŭ ad h.zv. uschodniaj tematyki.
Moža, choć hrošy prymusiać zadumacca, a ci nie varta lepš pracavać na biełarusaŭ, a nie stvarać hety siurealizm.