«Vakoł było kala 40 dziaciej. Dobra, nikoha nie zabiła». U Homieli na ludziej, jakija adpačyvali ŭ parku, upała dreva
«A 15-j hadzinie nas u skviery ledź nie zabiła. Žonka ŭ balnicy na abśledavańni», — napisaŭ homielec.
Pra žudasnaje nadzvyčajnaje zdareńnie, jakoje adbyłosia na vychodnych, paviedamiŭ pablik Vgomele. «A 15:00 u skviery mianie z žonkaj ledź nie zabiła. Videa prykładajecca, žonka ŭ balnicy na abśledavańni. Vakoł było kala 40 dziaciej. Dobra što nie zabiła nikoha», — tak apisaŭ kanału situacyju paciarpieły mužčyna.
Pavodle jaho słoŭ, staroje dreva rasło prosta nad łavačkaj, «pryparkavanaj» kala fantana. «Upała za 20 sm ad hałavy. Stuknuła halinkami, a nie stvałom. Stvoł, pavodle samych ścipłych acenak, vahoj 70 kh. Na hety momant miedyki skazali, što dakładna jość pierałom nosa», — dadaje mužčyna.
Hetaha videa b nie isnavała, kali b niekalkimi chvilinami raniej mužčyna nie pačaŭ zdymać fantan. Voś takoje supadzieńnie.
Onliner.by pahutaryŭ z paciarpiełym. Voś što raspavioŭ Kanstancin.
— Usio adbyłosia ŭ skviery Hramyki, na vulicy Savieckaj, — heta samy centr. U žonki złamany nos i rany. Ale strasieńnia niama, bo jaje ŭdaryła nie asnoŭnaj halinkaj, a mienšymi. Ludziej u skviery zaŭsiody šmat, asabliva dziaciej — jak praviła da 10 hadoŭ. A ŭ toj momant, kali heta adbyłosia, dzietak było nie mienš za 40 čałaviek.
Pierad tym, jak dreva pavaliłasia, my nijakich hukaŭ nie čuli. Choć paźniej chtości kazaŭ, što byŭ tresk, ale ŭ skviery pracuje fantan, z-za jaho dosyć šumna, plus dzieci hulajuć.
Samo dreva vyhladała vielmi zdarovym, z dosyć vialikaj raślinnaściu. Vierahodna, kali miesiac tamu byŭ urahan, dreva nadłamałasia, a ciapier ad mocnaj śpioki rassochłasia i pad ułasnym ciažaram ruchnuła, — miarkuje Kanstancin.
Hamialčuk taksama raspaviadaje, što chutkaja pryjechała chutka — vyklikali vidavočcy.
«Z ŽKH z nami pakul nichto nie źviazvaŭsia. Milicyja sfatahrafavała miesca, apytała čałavieka, jaki vyklikaŭ ich, apytała mianie jak paciarpiełaha, maju žonku apytali ŭ balnicy», — dadaje małady čałaviek.
«Budźcie akuratnyja i ŭvažlivyja, žyvu ŭ hetym rajonie, i kožnaje leta, viasnu ŭ nas padajuć drevy. Na minułym tydni ŭpała na mašynu na vulicy Puškina. Taksama ŭ zacišnaje nadvorje», — prakamientavaŭ adzin z padpisčykaŭ.
-
DAI skazała, što rabić z avaryjami, jakija ŭsio čaściej učyniajuć kiroŭcy starejšyja za 70 hadoŭ
-
U Minsku mužčyna padyšoŭ da aŭtamabila, kab padkazać, što ŭklučana dalokaje śviatło. Jamu zalili tvar piarcovym bałončykam VIDEA
-
Šmatdzietnaja rasijanka chacieła pazbavicca sužyciela-biełarusa, tamu zajaviła ŭ palicyi, što jon piedafił
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary