Rasija za paŭhoda mahła atrymać ad KNDR 1,6 młn snaradaŭ dla vajny suprać Ukrainy
Sa žniŭnia 2023 hoda pa studzień 2024-ha Rasija mahła atrymać ad KNDR 1,6 miljona artyleryjskich snaradaŭ dla vajny suprać Ukrainy. Takimi źviestkami, atrymanymi ad ananimnaj krynicy ŭ rasijskaj łahistyčnaj kampanii, padzialilisia z The Washington Post ekśpierty niekamiercyjnaj arhanizacyi C4ADS. Jana zajmajecca pytańniami hłabalnaj biaśpieki, piša «Mieduza».
Pavodle danych C4ADS, z dvuch partovych haradoŭ na rasijskim Dalokim Uschodzie ŭ 16 nasielenych punktaŭ na miažy z Ukrainaj byli dastaŭlenyja 74 tysiačy mietryčnych ton hruzaŭ, što adpaviadaje vazie 1,6 miljona artyleryjskich snaradaŭ taho kalibra, jaki vykarystoŭvaje rasijskaja armija. Hetyja hruzy adznačalisia jak «bojeprypasy».
KNDR nie paznačajecca jak kraina pachodžańnia hruzaŭ, ale adpraŭleńnie z partovych haradoŭ na Dalokim Uschodzie supadaje z časam zachodu tudy sudnaŭ z Paŭnočnaj Karei.
Na dumku žurnalistaŭ, heta surjozny ŭskosny dokaz pastavak bojeprypasaŭ z KNDR u Rasiju, pra jakija nieadnarazova kazali na Zachadzie.
Paŭdniovaja Kareja moža pačać pramyja pastaŭki zbroi Ukrainie paśla zaklučeńnia Pucinym pahadnieńnia z KNDR
«Kim — adziny toŭsty čałaviek, jakoha ja tam bačyŭ». Biełarus raskazaŭ, jak jon pabyvaŭ u KNDR
«Rasija ŭžo adpraŭlaje pieršyja hrupy na marskija kurorty KNDR». Pra što damovilisia kiraŭniki KNDR i Rasii
«Tavaryš Kim Čen Yn nie chavaŭ radaści». Praśpiekty Pchieńjana ŭpryhožyli partretami Pucina i rasijskimi ściahami
Kamientary