«Rasija ŭžo adpraŭlaje pieršyja hrupy na marskija kurorty KNDR». Pra što damovilisia kiraŭniki KNDR i Rasii
Vystupajučy ŭ Pchieńjanie, Uładzimir Pucin raspavioŭ, jakimi dasiahnieńniami ŭ svaich adnosinach hanaracca Rasija i KNDR i pra što damovilisia ŭ časie ciapierašniaha vizitu rasijskaha kiraŭnika ŭ KNDR.
Uładzimir Pucin i Kim Čen Yn u Pchieńjanie zaklučyli damovu ab usioabdymnym stratehičnym partniorstvie pamiž Rasijaj i KNDR, paviedamlaje pres-słužba Kramla. Na pres-kanfierencyi paśla padpisańnia pahadnieńnia prezident RF zajaviŭ, što novaja damova praduhledžvaje akazańnie ŭzajemnaj dapamohi ŭ vypadku ahresii suprać adnaho z udzielnikaŭ. Jon taksama zaznačyŭ, što Rasija «nie vyklučaje dla siabie vajenna-techničnaha supracoŭnictva z KNDR u adpaviednaści z padpisanym dakumientam».
Lidar KNDR Kim Čen Yn u svaju čarhu skazaŭ, što zaklučany pamiž krainami dahavor maje «vyklučna miralubivy i abarončy charaktar» i zaklikany abaraniać i adstojvać intaresy narodaŭ dźviuch krain. «Nie sumniavajusia ŭ tym, što jon stanie ruchajučaj siłaj, jakaja paskaraje stvareńnie novaha šmatpalarnaha śvietu. Čas źmianiŭsia. Taksama źmianiŭsia status KNDR i RF u suśvietnaj hieapalityčnaj struktury», — dadaŭ Kim Čen Yn.
Novaja damova pryjšła na źmienu asnoŭnym dakumientam pamiž Rasijaj i Paŭnočnaj Karejaj, jakija padpisvali lidary krain u 1961, u 2000 i 2001 hadach.
Akramia taho, u ramkach dziaržaŭnaha vizitu Pucina ŭ Paŭnočnuju Kareju byli padpisany mižuradavyja pahadnieńni ab supracoŭnictvie ŭ śfiery achovy zdaroŭja, miedycynskaj adukacyi i navuki, a taksama budaŭnictvie pahraničnaha aŭtamabilnaha mosta.
Jak piša Shot, Pucin zajaviŭ, što «abjektyŭnaja pazicyja KNDR pa Ukrainie paćviardžaje suvierenny kurs hetaj krainy», «Rasieja i KNDR paśladoŭna adstojvajuć ideju farmavańnia bolš spraviadlivaha, šmatpalarnaha śvietabudu».
Na dumku kiraŭnika Rasii, «zapuščany ZŠA režym sankcyj Rady Biaśpieki AAN u dačynieńni da KNDR pavinien być pierahledžany».
A Rasija, pavodle jaho zajavy, užo adpraŭlaje pieršyja hrupy na marskija kurorty KNDR.
Uładzimir Pucin druhi raz naviedaŭ Pchieńjan. Upieršyniu jon byŭ ź vizitam u KNDR u 2000 hodzie.
«Tavaryš Kim Čen Yn nie chavaŭ radaści». Praśpiekty Pchieńjana ŭpryhožyli partretami Pucina i rasijskimi ściahami
Kim Čen Yn razam z 12-hadovaj dačkoj uračysta adkryŭ zabudovu vulicy z 80-paviarchovym budynkam u Pchieńjanie FOTY
Karejskaje ahienctva raskazała pra sustreču biełaruskaha dypłamata z paŭnočnakarejskim kaleham
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary
— Vyjditie v chołł.
— A začiem my siuda zašli? Vy by srazu priedupriedili…
— Snačała vojdiet naš rukovoditiel...
)))