Kim Čen Yn razam z 12-hadovaj dačkoj uračysta adkryŭ zabudovu vulicy z 80-paviarchovym budynkam u Pchieńjanie FOTY
Centralnaje telehrafnaje ahienctva Karei źmiaściła ažno 44 fatahrafii.
Kim Čen Yn razam z dačkoj pravioŭ uračystuju cyrymoniju zaviaršeńnia zabudovy vulicy z 80-paviarchovym budynkam u Pchieńjanie, paviedamlaje CTAK.
«Va ŭračystaj abstanoŭcy adbyłasia cyrymonija zaviaršeńnia budaŭnictva vulicy «Čonvi». Nialohka było pabudavać tolki siłaj moładzi bujnuju vulicu, dzie šmatpaviarchovyja i zvyšvyšynnyja žyłyja hmachi na tysiačy kvater utvarajuć vialikuju hrupu architekturnych budynkaŭ usiaho za 1 hod. Pavažany tavaryš Kim Čen Yn pierarezaŭ čyrvonuju stužku, jakaja simvalizuje zakančeńnie budaŭnictva», — havorycca ŭ paviedamleńni
Kim-unuk rehularna apošnija paŭtara hoda biare svaju starejšuju dačku Kim Čžu E (joj maksimum 12 hadoŭ) ad žonki Li Sol Čžu na roznyja aficyjnyja mierapryjemstvy, u tym liku vajennyja. Ekśpierty nazyvajuć mienavita Čžu E jaho pierajemnicaj, a nie žonku Sol Čžu, jakaja nazyvałasia pieršapačatkova, ale apošnija hady zaniataja vychavańniem dziaciej, a nie aficyjnymi imprezami.
Kim Čen Ynu — 42 hady. Jahony dzied Kim Ir Sen praviŭ KNDR 49 hadoŭ i pamior za dva dni da abrańnia Łukašenki prezidentam, baćka Kim Čen Ir praviŭ Paŭnočnaj Karejaj 17 hadoŭ (pamior u śniežni 2011 hoda).
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary