Paŭdniovaja Kareja moža pačać pramyja pastaŭki zbroi Ukrainie paśla zaklučeńnia Pucinym pahadnieńnia z KNDR
Paŭdniovaja Kareja choča pravieści paŭtorny razhlad pytańnia ab pramych pastaŭkach zbroi Ukrainie, piša ahienctva Rionchap sa spasyłkaj na ofis paŭdniovakarejskaha prezidenta.
Zajava zjaviłasia na fonie zaklučeńnia dahavora ab usioabdymnym stratehičnym partniorstvie Rasii i Paŭnočnaj Karei.
Daradca pa nacyjanalnaj biaśpiecy Čan Cho Džyn taksama vykazaŭ škadavańnie z nahody «ŭsioabdymnaj stratehičnaj damovy», padpisanaj padčas samitu pamiž Uładzimiram Pucinym i lidaram Paŭnočnaj Karei Kim Čen Ynam u Pchieńjanie.
«Urad vykazvaje surjoznuju zakłapočanaść i asudžaje padpisańnie pahadnieńnia ab usioabdymnym stratehičnym partniorstvie pamiž Paŭnočnaj Karejaj i Rasijaj, jakoje nakiravana na ŭmacavańnie ŭzajemnaha vajennaha i ekanamičnaha supracoŭnictva», — skazaŭ jon na bryfinhu ŭ prezidenckaj kancylaryi.
Čan Cho Džyn dadaŭ, što luboje supracoŭnictva, jakoje prama ci ŭskosna dapamahaje paŭnočnakarejskamu vajennamu ŭzmacnieńniu, źjaŭlajecca parušeńniem rezalucyj Savieta Biaśpieki Arhanizacyi Abjadnanych Nacyj i budzie padviarhacca mižnarodnamu kantrolu i sankcyjam, i paabiacaŭ pryniać adpaviednyja miery.
«My płanujem pierahledzieć pytańnie ab pastaŭcy zbroi Ukrainie», — taksama skazaŭ jon.
Raniej Kareja akazvała humanitarnuju dapamohu Ukrainie, pastaŭlała vajskovyja pradmiety nieśmiarotnaha charaktaru, ale nie zbroju. 9 maja prezident Respubliki Kareja Jun Sok Jol zajaviŭ, što jaho kraina prytrymlivajecca pryncypu niepastavak śmiarotnaj zbroi Ukrainie.
Paŭdniovaja Kareja vałodaje adnym z samych vialikich arsienałaŭ u śviecie (bolš za miljon snaradaŭ) i naroščvaje vytvorčaść.
«Kim — adziny toŭsty čałaviek, jakoha ja tam bačyŭ». Biełarus raskazaŭ, jak jon pabyvaŭ u KNDR
«Rasija ŭžo adpraŭlaje pieršyja hrupy na marskija kurorty KNDR». Pra što damovilisia kiraŭniki KNDR i Rasii
«Tavaryš Kim Čen Yn nie chavaŭ radaści». Praśpiekty Pchieńjana ŭpryhožyli partretami Pucina i rasijskimi ściahami
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary