Siońnia ŭ Homielskim abłasnym sudzie vynieśli prysud viadomamu pravaabaroncu Leanidu Sudalenku, piša «Homielskaja viasna».
Sudździa Alaksandr Sotnikaŭ pryznačyŭ Sudalenku pakarańnie ŭ vyhladzie 5 hod pazbaŭleńnia voli va ŭmovach strohaha režymu sa štrafam 650 bazavych vieličyń.
Leanid Sudalenka — viadomy pravaabaronca i juryst, źjaŭlaŭsia kiraŭnikom Homielskaha adździaleńnia Pravaabarončaha centra «Viasna». Pakinuŭšy Biełaruś, jon adrazu zajaviŭ, što skiruje svaju dziejnaść na chutčejšaje vyzvaleńnie biełaruskich palitviaźniaŭ.
Leanid Sudalenka — adzin ź pieršych pravaabaroncaŭ, jaki paśla prezidenckich vybaraŭ 2020 hoda patrapiŭ pad kryminalny pieraśled.
Jaho zatrymali ranicaj 18 studzienia 2021 h. pa darozie na ofis u miežach kryminalnaj spravy, raspačataj pa art. 342 Kryminalnaha kodeksa (hrupavyja dziejańni, jakija hruba parušajuć hramadski paradak) i źmiaścili ŭ izalatar časovaha ŭtrymańnia. U toj ža dzień taksama była zatrymana vałanciorka «Viasny» Maryja Tarasienka, a praź niekalki dzion zatrymali jašče adnu vałanciorku — Taćcianu Łasicu.
3 vieraśnia 2021 h. u sudzie Centralnaha rajona Homiela raspačaŭsia praces. Sudździa Siarhiej Sałoŭski vynies pastanovu, jakoj vyrašyŭ pravodzić sud u zakrytym pasiadžeńni na praciahu ŭsiaho raźbiralnictva. 3 listapada 2021 Leanida asudzili da troch hadoŭ pazbaŭleńnia voli ŭ kałonii ahulnaha režymu. A ŭ kastryčniku 2022 hoda MUS unios palitźniavolenaha pravaabaroncu ŭ pieralik «asobaŭ, datyčnych da ekstremisckaj dziejnaści».
21 lipienia 2023 hoda pravaabaronca vyjšaŭ na volu z PK № 3, całkam adbyŭšy termin, i vyjechaŭ z krainy. Čas pakazaŭ, što niedaremna.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary