Ahienctva AAN vydzialała hrošy i adpraŭlała iranskich śpiecyjalistaŭ na navučańnie ŭ Rasiju.
Mižnarodnaje ahienctva pa jadziernaj enierhii (MAHATE) akazvała padtrymku iranskaj jadziernaj prahramie. Heta vynikaje z kanfidencyjnych fajłaŭ pa jadziernaj prahramie Irana, na jakija spasyłajecca BILD am SONNTAG
MAHATE, jakoje ŭvachodzić u strukturu AAN, na minułym tydni abjaviła, što Iran pašyryŭ jadziernuju prahramu. Adnak mienavita hetaje ahienctva hadami padtrymlivała iranskija daśledavańni finansava, a taksama adpraŭlała daślednikaŭ ź Irana na navučańnie ŭ Rasiju.
Pradstaŭniki MAHATE ŭ pačatku 2022 hoda sustrakalisia ŭ Vienie z adnym z hałoŭnych natchnialnikaŭ stvareńnia iranskaj jadziernaj bomby Džavadam Karymi-Sabietam, jaki znachodzicca pad sankcyjami ZŠA. Zhodna z unutranaj elektronnaj pierapiskaj, MAHATE zapłaciła Karymi za sustreču hatoŭkaj, pakolki bankaŭski pieravod byŭ niemahčymy z-za sankcyj.
U 2018 hodzie amierykancy vyjšli ź jadziernaj damovy ź Iranam i ŭzmacnili žorstkaść sankcyjny režym suprać Tehierana. U vyniku ździełka rassypałasia, Iran abmiežavaŭ źniešni kantrol za jadziernymi daśledavańniami. Zhodna z kanfidencyjnymi dakumientami, MAHATE paśla zapuściła prahramy finansavańnia iranskaj jadziernaj navuki.
U kancy 2019 hoda ahienctva sfarmulavała metu prajekta «IRA2018001» paśla kansultacyj ź iranskimi navukoŭcami. U prajekcie havaryłasia, što «dziejnaść budzie nakiravana na pavyšeńnie kvalifikacyi i viedaŭ vučonych i palapšeńnie aparatnaj i prahramnaj infrastruktury, što budzie sadziejničać palapšeńniu raboty i vykarystańniu daśledčych reaktaraŭ».
Daśledčyja reaktary ličacca patencyjnaj krynicaj płutoniju, jaki možna vykarystoŭvać dla stvareńnia jadziernaj zbroi.
MAHATE taksama finansavała mnohija prahramy navučańnia navukoŭcaŭ z Tehierana ŭ Rasii: adabranyja ekśpierty časam tydniami navučalisia tam pad ehidaj rasijskaha «Rasatama».
Hetyja źviestki častkova paćviardžajuć padazreńni prezidenta Ukrainy Uładzimira Zialenskaha: nieŭzabavie paśla rasijskaha ŭvarvańnia jon zajaviŭ pra isnavańnie aljansu Rasii i Irana. Pavodle jaho słoŭ, režym ajatały atrymaŭ ad Maskvy padtrymku jadziernaj prahramy ŭ abmien na pastaŭku bieśpiłotnikaŭ.
Pradstaŭnik MAHATE paćvierdziŭ fakt navučańnia iranskich navukoŭcaŭ u Rasii: «Prahrama techničnaha supracoŭnictva (MS) MAHATE padtrymlivaje dziaržavy-členy ŭ <…> raźvićci i kiravańni jadziernymi viedami». Arhanizacyja musiła pakłapacicca pra toje, kab irancy nie atrymali nijakich viedaŭ pra jadziernuju zbroju padčas navučańnia.
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary
A ty ŭsio adno vieryš, što mahate kiepskija, a voś juneski dobryja i who i poŭny voz inšych, pakul niaŭdałych, sprobaŭ tatalitarnych suśvietnych ministerstvaŭ (ŭ balšyni Stalinska-Ruzveltaŭskaje architektury.