U Biełarusi dzieciam da 14 hadoŭ zabaroniena naviedvać plažy biez darosłych. Što jašče nielha rabić na vadzie?
Dzieciam da 14 hadoŭ u Biełarusi zakanadaŭča zabaroniena naviedvać plažy biez supravadžeńnia darosłych. Pra heta raskazaŭ pres-sakratar MNS Jaŭhien Baranoŭski. Pavodle jaho słoŭ, hetaja norma zamacavanaja ŭ pastanovie Saŭmina «Ab achovie žyćcia ludziej na vodach».
Akramia taho, u MNS zaklikali asabliva pilna sačyć za maleńkimi dziećmi.
«Dziaciej da 6 hadoŭ nielha vypuskać z-pad uvahi. Małyja chutka i niezaŭvažna iduć pad vadu, navat kali pobač płavajuć ludzi. Tamu my robim akcent na adkaznaści baćkoŭ za biaśpieku dziciaci», — padkreśliŭ Baranoŭski.
Taksama dakumient zabaraniaje kupacca ŭ zabaronienych miescach, užyvać na plažy śpirtnyja napoi i płavać u stanie ałkaholnaha apjanieńnia, zapłyvać za bui, jakija abaznačajuć miežy akvatoryi plažu, padpłyvać da sudnaŭ i płyvučych abjektaŭ, załazić na techničnyja papieradžalnyja znaki, paviedamlajuć «Minsk-Naviny».
Taksama zabaroniena płavańnie na spartyŭnym invientary, doškach, ležakach, aŭtakamierach i nadzimanych matracach. Taksama adpačyvalnikam nie dazvolena padavać iłžyvyja sihnały i arhanizoŭvać u vadzie hulni, źviazanyja z zabavami i zachopam tych, chto kupajecca.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku4
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary