Na biełaruskich rynkach i pa abjavach pačali pradavać sabranyja ŭ lesie sunicy. Vydańnie Telegraf.news pahladzieła, pa jakoj canie idzie litr jahad u Minsku i ŭ abłaściach.
Na minskim rynku «Usio svajo», jaki znachodzicca pobač z Kamaroŭkaj, duchmianyja lasnyja sunicy pradajuć pa 25 rubloŭ za kiłahram. A voś na susiedniaj Kamaroŭcy byli zaŭvažanyja sadovyja sunicy. Za paŭlitra tut prasili 10—15 rubloŭ.
Lasnyja sunicy prapanujuć da prodažu i na «Kufry». Pa abjavach u Minsku, u pryvatnaści, prapanujuć kupić litr za 25—30 rubloŭ.
U Minskaj vobłaści jahady abyducca tańniej — 20 rubloŭ za litr (Miadzieł, Maładziečna, Barysaŭ). U Salihorsku niekatoryja prapanujuć kupić litr sunic za 13 rubloŭ, u Słucku — za 15.
Aktyŭna źbirajuć i pradajuć sunicy i ŭ inšych abłaściach Biełarusi.
Na Brestčynie za litr jahad chočuć 10—15 rubloŭ. U Hrodzienskaj vobłaści cana anałahičnaja.
Prystupili da zboru i prodažu sunic i na Mahiloŭščynie. Tak, u Kaściukovičach śviežasabranuju jahadu pradajuć pa 10 rubloŭ.
U Viciebskaj vobłaści ceńnik rekordny — 35 rubloŭ za litr.
A voś u Homielskaj vobłaści sunicy masava čamuści jašče nie źbirajuć, aktualnych abjaŭ pakul što niama.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ53
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary