Na Kamaroŭcy źjavilisia pieršyja čarnicy, sunicy i višni. Kaštujuć jak kryło ad samalota
A taksama źjavilisia pieršyja lisički.
Na pryłaŭkach Kamaroŭskaha rynku źjavilisia pieršyja jahady ź lesu: čarnicy i sunicy, pišuć Minsk-Naviny.
Kiło čarnicaŭ z-pad Bresta prapanujuć za 40 rubloŭ. Paŭlitrovy słoik z nadpisam «Słuck» aceńvajuć u 10 rubloŭ. Technična za kiłahram atrymajucca tyja ž hrošy, što i za bresckuju: słoik źmiaščaje hram 300. Pobač duchmianyja lasnyja sunicy pa 18 rubloŭ za paŭlitra.
Lisički pradajuć pa 25—28 rubloŭ za kiłahram.
Kłubnicy patańnieli tak, što chočacca pracierci vočy i jašče raz pahladzieć na ceńnik — ad 4 rubloŭ za kiłahram. Traplajucca drobnyja jahady, ale ŭ cełym pamier nie samy ścipły. Pa vierchniaj miažy jość i 25, i 35 rubloŭ. Ale tam kožnaja kłubničyna pamieram ź dziciačy kułačok.
Užo źjaviłasia višnia — pa 35 rubloŭ za kiłahram. Malina saśpiełaja sadovaja — pa 15 rubloŭ za paŭtara litra.
Čarešnia — 9,90 — 12-13 rubloŭ. A za cukrovuju ŭźbiekskuju prosiać užo ad 14 da 20 rubloŭ. Časam traplajecca Hrecyja: 15-18 rubloŭ za kiło. Samy vysoki ceńnik — 120 rubloŭ z podpisam «chatniaja».
Piersiki ŭ siarednim pa 11—12 rubloŭ, niektaryny — 15—18. Ale možna znajści i pa 5, i pa 45 za kiłahram. Jeduć z soniečnaj Ispanii.
Z Kienii pryvieźli vielmi pryhožyja ananasy — litaralna harać na soncy. Kaštujuć surjozna: mini — 25 rubloŭ / štučka, vialiki — 55. Iranskija kavuny možna ŭziać pa 7,9 za kiłahram, dyni — pa 15,9.
Pamidory ad 4,5 da 35 rubloŭ. Pry hetym siaredni ček — u miežach 12-18 rubloŭ.
Što samaje chadavoje i doŭhačakanaje? Viadoma, maładaja bulbačka pa 5-7 rubloŭ za kiłahram — što rossyp, što važkija kłubni dla tych, kamu lanota čyścić.
Zielanina ad 50 kapiejek (za 100 h), tyja samyja kropčyk i cybula, jakija tak kłasna padychodziać da rańniaj bulbački. I małady zialony harošak užo jość — 28 rubloŭ za kiłahram.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary