Infarmacyja pra likvidacyju biełaruskaj jurydyčnaj asoby «Płejtyka Bieł» źjaviłasia na sajcie adzinaha dziaržrehistratara, choć na aficyjnym sajcie Playtika Biełaruś usio jašče fihuruje ŭ pieraliku łakacyj, dzie jość ofisy kampanii, zaŭvažyŭ Devby.io.
Aficyjna pracedura likvidacyi kampanii pa rašeńni ŭłaśnika była zapuščanaja ŭ kancy krasavika, ale pra sychod ź Biełarusi izrailskaj hiejmdev-kampanii Playtika stała viadoma jašče ŭ studzieni.
Pieršapačatkova, sa słoŭ supracoŭnikaŭ, płanavałasia, što biełaruskaja kamanda dapracuje da kanca lutaha. Adnak paźniej top-mieniedžmient kampanii skarektavaŭ płany. Supracoŭnikam paviedamili, što apošni pracoŭny dzień dla ŭsich, chto zastaniecca ŭ Biełarusi — 30 krasavika. Paśla hetaj daty dostupu da karparatyŭnych resursaŭ ź Biełarusi nie budzie.
Zrešty, fizičny ofis u Minsku byŭ zakryty dla bolšaści supracoŭnikaŭ užo z pačatku sakavika. Jak raskazała adna z krynic, u lutym «z mnohimi inžynierami zaviaršyli pracoŭnyja adnosiny, vypłacili im zarobak i hadavy bonus». Kolki supracoŭnikaŭ minskaha ofisa było zvolniena, a kolki praciahvajuć pracavać, ale ŭžo ŭ inšych łakacyjach, nieviadoma.
Anons zakryćcia ofisa ŭ Minsku supaŭ z novym raŭndam hłabalnych skaračeńniaŭ u Playtika. Miedyja paviedamlali, što skarociać 300-400 supracoŭnikaŭ u roznych łakacyjach. Kamanda ŭ Minsku čakała, što pracu mohuć stracić da 50% ofisa (kala 150 čałaviek).
Ofis kampanii-raspracoŭščyka Playtika ŭ Minsku byŭ adkryty ŭ 2012 hodzie. Na piku ŭ kampanii pracavała bolš za 600 čałaviek (na kaniec 2021 hoda). Minski ofis uvachodziŭ u top-20 samych bujnych IT-kampanij u Biełarusi.
U kvartalnych spravazdačach Playtika ŭ apošnija hady Biełaruś fihuravała siarod faktaraŭ ryzyki. U finansavaj spravazdačnaści za minuły hod Playtika zhadała Biełaruś u pieraliku ryzyk, «źviazanych ź mižnarodnymi apieracyjami i ŭłasnaściu».
56-hadovamu ajcišniku ź Minska pahražaje da 12 hadoŭ kałonii za danaty
«Lepš nazad na zavod ci jość varyjant viarnucca ŭ Biełaruś». Jak ajcišniki ŭ Polščy žyvuć na minimałku
Ajcišniki ź Biełarusi źniali pałovu ofisnaj Vilni — ale ciapier traciać cikavaść
«Na starcie ajcišnik budzie zarablać $300-500 na miesiac». Nakolki składana ŭvajści ŭ IT u 2024 hodzie?
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ33
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ3
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary