U Polščy praviarajuć suviaź zatrymanych pa abvinavačańni ŭ padpałach biełarusaŭ ź vizavaj prahramaj Poland. Business Harbour
Parłamienckaja kamisija, jakaja rasśleduje vypadki złoŭžyvańnia pry vydačy viz pa prahramie Poland. Business Harbour (PBH), maje namier vyśvietlić, ci nie karystalisia hetym sposabam lehalizacyi ŭ Polščy hramadzianie Biełarusi, zatrymanyja pa «spravie ab padpałach».
Jak paviedamlaje vydańnie Businessinsider, pa inicyjatyvie deputata Siejma Alaksandry Lea kamisija nakiruje zapyt ministru justycyi i hienieralnamu prakuroru z prośbaj «na praciahu siami dzion dać piśmovuju infarmacyju ab asobach, abvinavačanych u arhanizacyi pažaru ŭ Varšaŭskim handlovym centry pa vuł. Maryvilskaj».
Heta nieabchodna, adznačajecca ŭ publikacyi, kab daviedacca, «ci stajać za patencyjnymi dyviersijami ludzi, jakija atrymali vizy pa prahramie PBH».
28 maja stała viadoma, što Ahienctva ŭnutranaj biaśpieki Polščy zatrymała ŭ Varšavie traich padazravanych u ździajśnieńni i padrychtoŭcy padpałaŭ i dyviersij na terytoryi krainy.
Zajaŭlałasia, što ŭ liku zatrymanych palak i dva biełarusy. Adzin ź biełaruskich hramadzian moža być eks-supracoŭnikam MUS, druhi — raniej sudzimym byłym bajcom MMA.
Prahrama Poland Business Harbour była stvorana ŭ vieraśni 2020 hoda z metaj pryciahnieńnia ŭ Polšču IT-śpiecyjalistaŭ i kampanij ź Biełarusi, a zatym była pašyranaja na takija krainy, jak Hruzija, Rasija, Ukraina, Małdova i Armienija.
Stała viadoma imia jašče adnaho biełarusa, jaki pa zadańni HRU rychtavaŭ dyviersii ŭ Polščy
Da padpałaŭ u polskich handlovych centrach datyčny imavierny ziać biełaruskaha dypłamata
Adnym z zatrymanych u Polščy pa «spravie ab padpałach» biełarusaŭ moža być raniej sudzimy były bajec MMA
Polskija śpiecsłužby zatrymali dvuch biełarusaŭ — ich vinavaciać u padrychtoŭcy dyviersij pa zadańni Kramla
U Polščy zatrymali dvuch biełarusaŭ, padazravanych u ździajśnieńni padpałaŭ
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary