Stała viadoma imia jašče adnaho biełarusa, jaki pa zadańni HRU rychtavaŭ dyviersii ŭ Polščy
Bajpoł sumiesna z kibierpartyzanami nazvali druhoha biełarusa, zatrymanaha za dyviersii ŭ Polščy.
Pa infarmacyi Bajpoł, druhim zatrymanym zjaŭlajecca Bieły Andrej Siarhiejevič, 1989 h. n., uradženiec h. Baranavičy, z 2010 hoda słužyŭ milicyjanieram patrulna-pastavoj słužby, zvolnieny ŭ lipieni 2014 hoda ŭ suviazi z parušeńniem umoŭ kantraktu.
Raniej stała viadoma pra troch zatrymanych, u tym liku hramadzianina Polščy, jakija rychtavali dyviersii ŭ Polščy. Adzin ź ich Ściapan Kaściučenka — bajec MMA, ziać biełaruskaha dypłamata.
Usie troje raniej udzielničali ŭ bajavych dziejańniach na terytoryi Ukrainy na baku USU, pryčym Kaściučenka i Bieły ŭ składzie bataljona «Teror», piša Bajpoł.
Pavodle infarmacyi Bajpoł, biełarusaŭ vykarystoŭvali rasijskija śpiecsłužby ŭciomnuju, na terytoryi Polščy za hrošy jany vykonvali kryminalnyja zakazy.
28 maja stała viadoma, što Ahienctva ŭnutranaj biaśpieki Polščy (AVB) zatrymała ŭ Varšavie niekalki čałaviek pa padazreńni ŭ ździajśnieńni padpałaŭ na terytoryi krainy.
Łatuška pra hrupu biełaruskich dyviersantaŭ, zakinutych u Jeŭrasajuz: Metaj moža być likvidacyja jak mianie, tak i Sachaščyka
Polskija śpiecsłužby zatrymali dvuch biełarusaŭ — ich vinavaciać u padrychtoŭcy dyviersij pa zadańni Kramla
Da padpałaŭ u polskich handlovych centrach datyčny imavierny ziać biełaruskaha dypłamata
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary