Adnym z zatrymanych u Polščy pa «spravie ab padpałach» biełarusaŭ moža być raniej sudzimy były bajec MMA
Adnym z zatrymanych u Polščy pa padazreńni ŭ arhanizacyi padpałaŭ hramadzian Biełarusi moža być minčuk Ściapan Kaściučenka, piša «Pozirk», spasyłajučysia na materyjały, pieradadzienyja jamu abjadnańniem byłych siłavikoŭ BelPol.
28 maja stała viadoma, što Ahienctva ŭnutranaj biaśpieki Polščy (AVB) zatrymała ŭ Varšavie niekalki čałaviek pa padazreńni ŭ ździajśnieńni padpałaŭ na terytoryi krainy. U ich liku apynuŭsia ŭładalnik aŭtamabila Renault ź biełaruskimi dziaržaŭnymi numarami 8678 PE-7.
Pavodle infarmacyi BelPol, uładalnikam aŭto źjaŭlajecca žychar Minska 1987 hoda naradžeńnia Ściapan Kaściučenka. Čałavieka z takim ža imiem, proźviščam i padobnaj fatahrafijaj udałosia vyjavić u sietcy prafiesijnych kantaktaŭ LinkedIn, dzie paznačana, što mužčyna znachodzicca ŭ Polščy.
Supadaje taksama data naradžeńnia (14 lutaha) i miesca pracy, jakija ŭdałosia vyśvietlić Belpol — u 2010—2018 hadach jon pracavaŭ u AAT «Amkador». Adnak u infarmacyi eks-siłavikoŭ paznačana, što mužčyna byŭ ślesaram, a ŭ ankiecie ŭ sacsietcy paznačanaja pasada «viadučy inžynier».
Sa studzienia pa lipień 2019 hoda Kaściučenka pracavaŭ śpiecyjalistam pa aptovych prodažach unitarnaha pradpryjemstva «PS Aŭta hrup», z maja pa listapad 2020 hoda — śpiecyjalistam pa paślaprodažnym absłuhoŭvańni SP «Śviatavit».
Taksama «Pozirku» atrymałasia vyśvietlić, što ŭ červieni i listapadzie 2011 hoda mužčyna braŭ udzieł jak minimum u dvuch bajach pa źmiešanych adzinaborstvach (MMA): u turnirach «Jeŭrapiejskaja M-1 bitva» i «M-1 BFC 13— Minsk-Fajt». Abodva bai jon prajhraŭ.
Danyja, atrymanyja ad BelPol, śviedčać, što Kaściučenka byŭ asudžany da troch hadoŭ abmiežavańnia voli biez nakiravańnia ŭ papraŭčuju ŭstanovu pa art. 70 (pryznačeńnie bolš miakkaha pakarańnia, čym praduhledžana za hetaje złačynstva i art. 205 (kradziež, učynieny arhanizavanaj hrupaj albo ŭ asabliva bujnym pamiery) Kryminalnaha kodeksa.
Pavodle fabuły złačynstva, mužčynu paličyli vinavatym u vykradańni 35 mabilnych telefonaŭ na sumu 7,1 młn rubloŭ. Akramia taho, minčuk, jak śćviardžajecca, 30 razoŭ pryciahvaŭsia da administracyjnaj adkaznaści pa linii Dziaržaŭtainśpiekcyi.
Taksama redakcyi viadoma, što mužčyna žanaty i ŭ jaho jość dačka.
Na pytańnie «Pozirka», ci moh mužčyna być zavierbavany śpiecsłužbami, u BelPol adkazali, što takaja «vierahodnaść vielmi vysokaja».
29 maja Gazeta Wyborcza paviedamiła, što «ŭ skład dyviersijnaj hrupy, jakaja dziejničała pa zadańni rasijskaj raźviedki», uvachodzili «hramadzianin Polščy Kamil K. i dvoje biełarusaŭ: Andrej V. i Stefan M.»
Na litaru «M» pačynajecca proźvišča žonki mierkavanaha fihuranta. Akramia taho, mužčyna ŭ kajdankach na fota, apublikavanym polskim vydańniem, niahledziačy na nakładzieny na tvar čorny prastakutnik, padobny da Kaściučenki, fatahrafija jakoha, jak śćviardžajecca, jość u redakcyi «Pozirka», ale jana jaje nie publikuje.
Łatuška pra hrupu biełaruskich dyviersantaŭ, zakinutych u Jeŭrasajuz: Metaj moža być likvidacyja jak mianie, tak i Sachaščyka
Polskija śpiecsłužby zatrymali dvuch biełarusaŭ — ich vinavaciać u padrychtoŭcy dyviersij pa zadańni Kramla
U Polščy zatrymali dvuch biełarusaŭ, padazravanych u ździajśnieńni padpałaŭ
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč22
Kamientary
Kstati, naša niva, napomnitie mnie,čto sdiełali s policiejskimi polskimi, ubivšimi v okołotkie vašieho bčb? Vy otśleživanije žiełannuju informaciju ili vam vsie ravno?;)