Natalla Radzina: Ja nie bačyła ničoha bolš biessensoŭnaha i vartaha žalu, čym vybary ŭ Kaardynacyjnuju radu
Hałoŭnaja redaktarka «Chartyi-97» rezka raskrytykavała vybary ŭ KR i prajšłasia pa mnohich hulcach palityčnaha pola.
«Ničoha bolš biessensoŭnaha i vartaha žalu, čym tak zvanyja vybary ŭ «kaardynacyjnuju radu», ja za 25 hadoŭ pracy niezaležnym žurnalistam, mabyć, nie bačyła. Takaja biessaromnaja prafanacyja adbyłasia ŭpieršyniu. 6700 tych, chto hałasavaŭ za ŭdzielnikaŭ hetaha farsu z amal 7 miljonaŭ biełaruskich vybarščykaŭ, ź jakich nie mienš za 500 tysiač znachodziacca za miažoj, vieličynia na miažy chibnaści. Biełarusy paprostu praihnaravali hetaje biazdarnaje teatralnaje dziejstva, hety parad čužych słavalubstvaŭ i žadańnia pahulać u «palityku», siedziačy ŭ biaśpiečnaj emihracyi», — miarkuje Radzina.
Jana prajšłasia i pa Ofisie Śviatłany Cichanoŭskaj: «Za apošnija čatyry hady pravalnaj dziejnaści ofisa Cichanoŭskaj i jaho struktur, stała jasna, što hetyja ludzi nie chočuć ni pracavać, ni pieramahać. Ich meta — imitavać burnuju dziejnaść, nadzimać ščoki i «mylnyja burbałki» ŭ vyhladzie nierealizujemych prajektaŭ nakštałt pieramovaŭ z uładaj abo «pašpartoŭ novaj Biełarusi», zajmacca palityčnym turyzmam i pładzić biurakratyju, prykryvajučysia nibyta narodnaj padtrymkaj».
Radzina pierakananaja, što palitykam nie cikavyja realnyja prablemy biełarusaŭ:
«Hałoŭnaje — z važnym vyhladam jeździć na mašynach z asabistym kiroŭcam i achovaj, jak heta robiać Cichanoŭskaja i Łatuška. Abo puskać pył u vočy zachodnim palitykam, jak Kavaleŭski i Astapienka, jakija da hetaha rabili heta ŭ łukašenkaŭskim MZS. Abo padstaŭlać ludziej niebiaśpiečnym i ŭraźlivym płanam «Pieramoha», jak heta robić padpałkoŭnik HUBAZiK Azaraŭ. Abo imitavać aktyŭnaść, ale tak i nie stvaryć va Ukrainie nivodnaha realnaha biełaruskaha padraździaleńnia, jak padpałkoŭnik Sachaščyk».
Pra asobu Paŭła Łatuški Radzina ŭdakładniła: na jaje dumku, jon moža nie prajści lustracyju ŭ novaj demakratyčnaj Biełarusi za raniejšuju supracu z łukašenkaŭcami.
Žurnalistka farmuluje, na čym treba zasiarodzicca emihracyi: na dapamozie i padtrymcy siemjaŭ palitviaźniaŭ i ŭciekačoŭ, infarmacyjnaj pracy i kontrprapahandzie, raźvićci nacyjanalnaj samaidentyfikacyi biełarusaŭ, padtrymcy dobraachvotnikaŭ i vieteranaŭ vajny va Ukrainie, łabiravańni surjoznych i adčuvalnych sankcyj suprać režymu Łukašenki za parušeńnie pravoŭ čałavieka.
Telefony Natalli Radzinaj i Andreja Sańnikava byli zaražanyja sakretnaj prahramaj sačeńnia
«Łatuška falsifikavaŭ u pasolstvie, kambryh Sachaščyk — u siabie» — Sańnikaŭ patłumačyŭ svaje pretenzii da lidaraŭ
Radzina paraiła Ukrainie nanosić udary pa vajskovych abjektach i NPZ u Biełarusi. Paźniak rezka adreahavaŭ
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary