Stała viadoma pra vyzvaleńnie palitźniavolenaha Alaksandra Ivanova, jaki 21 krasavika całkam adbyŭ pakarańnie i vyjšaŭ na volu, piša «Homielskaja viasna».
Alaksandr Ivanoŭ
Alaksandra Ivanova zatrymali 4 žniŭnia 2022 hoda supracoŭniki milicyii, u jahonaj kvatery byŭ praviedzieny vobšuk. Mužčynu abvinavacili pa artykule 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy RB) Kryminalnaha kodeksa.
Paźniej art. 361 pierakvalifikavali na č. 1 art. 361-4 (sadziejańnie ekstremisckaj dziejnaści) za fota i videa rasijskaj vajskovaj techniki, dasłanaje «ekstremisckim» telehram-kanałam». 16 žniŭnia 2022 h. pravaabarončaja supolnaść pryznała Alaksandra Ivanova palitźniavolenym.
8 śniežnia 2022 hoda sudździa Homielskaha abłasnoha suda Alaksiej Chłyščankoŭ pryznačyŭ Alaksandru Ivanovu 2 hady pazbaŭleńnia voli ŭ kałonii va ŭmovach ahulnaha režymu. Pakarańnie Alaksandr adbyvaŭ u papraŭčaj kałonii № 1 horada Navapołacka.
17 sakavika 2023 hoda Ministerstva ŭnutranych spraŭ dadało Alaksandra Ivanova ŭ śpis «asob, datyčnych da ekstremisckaj dziejnaści».
Kamientary