Pasprabujcie jeści kłubnicy miesiac štodzień. Voś što z vami stanie
Sabrali dla vas śviedčańni śpiecyjalistaŭ.
Nastupiŭ červień, a razam ź im i para kłubnic. Raźbirajemsia, što zdarycca z arhanizmam, kali my budziem jaje jeści na praciahu miesiaca.
Pa słovach śpiecyjalistaŭ, kłubnicy ŭtrymlivajuć šmat vitaminaŭ i minierałaŭ, nieabchodnych arhanizmu dla padtrymki zdaroŭja, uklučajučy vitamin A, vitamin B5, mahnij i kalij. Užyvańnie ŭsiaho 100 hram kłubnic zabiaśpiečvaje arhanizm sutačnaj normaj vitamina S.
Akramia taho, u kłubnicach vialikaja kolkaść antyaksidantaŭ, jakija vałodajuć supraćzapalenčymi ŭłaścivaściami i dapamahajuć źmienšyć uzrovień chalesterynu. Daśledavańnie ispanskich i italjanskich navukoŭcaŭ pakazała, što ŭklučeńnie ŭ racyjon paŭkiło kłubnic na praciahu miesiaca pryviało da značnaha źnižeńnia drennaha chalesterynu.
Vyniki inšych daśledavańniaŭ pakazali suviaź pamiž spažyvańniem kłubnic i panižanaj ryzykaj sardečna-sasudzistych zachvorvańniaŭ, dyjabietu, chvaroby Alchiejmiera i navat pakazvali na sadziejničańnie prafiłaktycy raku).
Niadaŭniaje daśledavańnie, praviedzienaje navukoŭcami z Akademičnaha centra zdaroŭja ŭniviersiteta Cyncynaci (ZŠA), vyjaviła, što ŭklučeńnie ŭ štodzionnaje charčavańnie pažyłych ludziej usiaho vaśmi jahad kłubnic sadziejničaje palapšeńniu pamiaci i źnižeńniu simptomaŭ depresii.
Ekśpierymient pravodziŭsia na 35 pažyłych ludziach (72 ± 6 hadoŭ). Udzielnikaŭ padzialili na dźvie hrupy. Pieršaj hrupie štodnia na praciahu 12 tydniaŭ davali 26 hram sublimavanaha parašku kłubnic, što ekvivalentna vaśmi jahadam. Druhaja hrupa atrymlivała parašok-płaceba padobnaha smaku i pachu. Pa zakančeńni ekśpierymientu ŭdzielniki prajšli testy na kahnityŭnyja zdolnaści i simptomy depresii.
Akramia źnižeńnia simptomaŭ depresii, palapšeńnia pamiaci i inšych kahnityŭnych navykaŭ va ŭdzielnikaŭ pieršaj hrupy, jakija spažyvali kłubnicy, nazirałasia źnižeńnie sistaličnaha (vierchniaha) cisku.
Adnak varta pamiatać, što kłubnicy mohuć i naškodzić. Jany źjaŭlajucca mačahonnym srodkam, tamu śpiecyjalisty rajać z aściarožnaściu spažyvać hetuju jahadu ludziam z zachvorvańniami nyrak i močavydzialalnych šlachoŭ. A takija kisłoty, jak ščaŭjevaja i salicyłavaja, jakija źmiaščajucca ŭ kłubnicach, mohuć spravakavać abvastreńnie cystytu, pijełaniefrytu, zachvorvańniaŭ straŭnikava-kišačnaha traktu. Akramia hetaha, kłubnicy mohuć vyklikać alerhiju.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary