Усяго патроху

Паспрабуйце есці клубніцы месяц штодзень. Вось што з вамі стане

Сабралі для вас сведчанні спецыялістаў.

Наступіў чэрвень, а разам з ім і пара клубніц. Разбіраемся, што здарыцца з арганізмам, калі мы будзем яе есці на працягу месяца.

Па словах спецыялістаў, клубніцы ўтрымліваюць шмат вітамінаў і мінералаў, неабходных арганізму для падтрымкі здароўя, уключаючы вітамін А, вітамін B5, магній і калій. Ужыванне ўсяго 100 грам клубніц забяспечвае арганізм сутачнай нормай вітаміна С.

Акрамя таго, у клубніцах вялікая колькасць антыаксідантаў, якія валодаюць супрацьзапаленчымі ўласцівасцямі і дапамагаюць зменшыць узровень халестэрыну. Даследаванне іспанскіх і італьянскіх навукоўцаў паказала, што ўключэнне ў рацыён паўкіло клубніц на працягу месяца прывяло да значнага зніжэння дрэннага халестэрыну.

Вынікі іншых даследаванняў паказалі сувязь паміж спажываннем клубніц і паніжанай рызыкай сардэчна-сасудзістых захворванняў, дыябету, хваробы Альцгеймера і нават паказвалі на садзейнічанне прафілактыцы раку).

Нядаўняе даследаванне, праведзенае навукоўцамі з Акадэмічнага цэнтра здароўя ўніверсітэта Цынцынаці (ЗША), выявіла, што ўключэнне ў штодзённае харчаванне пажылых людзей усяго васьмі ягад клубніц садзейнічае паляпшэнню памяці і зніжэнню сімптомаў дэпрэсіі.

Эксперымент праводзіўся на 35 пажылых людзях (72 ± 6 гадоў). Удзельнікаў падзялілі на дзве групы. Першай групе штодня на працягу 12 тыдняў давалі 26 грам сублімаванага парашку клубніц, што эквівалентна васьмі ягадам. Другая група атрымлівала парашок-плацэба падобнага смаку і паху. Па заканчэнні эксперыменту ўдзельнікі прайшлі тэсты на кагнітыўныя здольнасці і сімптомы дэпрэсіі.

Акрамя зніжэння сімптомаў дэпрэсіі, паляпшэння памяці і іншых кагнітыўных навыкаў ва ўдзельнікаў першай групы, якія спажывалі клубніцы, назіралася зніжэнне сісталічнага (верхняга) ціску.

Аднак варта памятаць, што клубніцы могуць і нашкодзіць. Яны з'яўляюцца мачагонным сродкам, таму спецыялісты раяць з асцярожнасцю спажываць гэтую ягаду людзям з захворваннямі нырак і мочавыдзяляльных шляхоў. А такія кіслоты, як шчаўевая і саліцылавая, якія змяшчаюцца ў клубніцах, могуць справакаваць абвастрэнне цыстыту, піеланефрыту, захворванняў страўнікава-кішачнага тракту. Акрамя гэтага, клубніцы могуць выклікаць алергію.

Каментары

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

З птушкафабрыкі пад Гроднам прапала 400 яек качкі. Прычым яйкаманы нават сачылі, як вылупліваюцца качаняты2

Украіна паведаміла пра гібель у Расіі больш за 200 ваеннапалонных2

У справе «Трайпла» з'явіўся новы паварот

Як беларуская кампанія пастаўляе ў Расію брэндавае адзенне ў абыход санкцый і ў шкоду дзяржбюджэту5

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін14

Расіяніна затрымалі ў мінскім аэрапорце за спробу вывезці скрадзеную пяць гадоў таму дачку

Мінчанка паставіла дома камеры, каб назіраць за старэнькай маці, і раскрыла злачынства3

Як беларусам за мяжой скасаваць шлюб, не вяртаючыся на радзіму? Спыталі ў юрысткі2

Машына ўехала ў людзей падчас параду «Ліверпуля». Пацярпелі 47 чалавек, у тым ліку дзеці8

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць