Siońnia — finał Lihi čempijonaŭ. Ci budzie złamanaja tradycyja apošnich čatyroch finałaŭ?
Matč pamiž dortmundskaj «Barusijaj» i madrydskim «Reałam» projdzie ŭ Łondanie na kultavym «Uembli» i pačniecca a 22-j pa minskim časie.
U siezonie 2017/2018 finał pamiž «Reałam» i «Livierpulem» skončyŭsia viasiołymi 3:1, ale pieradusim zapomniŭsia miehafejłami varatara «Livierpula» Łarysa Karyusa, za što toj navat vybačyŭsia pierad adnakłubnikami i zaŭziatarami.
U nastupnym hodzie «Livierpul» pieramoh u finale «Totenchiem» ź likam 2:0, ale heta byŭ vielmi sumny matč, dzie miersisajdcy zabili pieršy hoł na 2-j chvilinie i adrazu zasušyli hulniu.
A potym čatyry hady zapar finały zaviaršalisia likam 1:0.
Spačatku finał u 2020-m hodzie, kali płej-of z-za kavidu dahulvaŭsia ŭ žniŭni, ale ŭ Biełarusi prajšoŭ amal niezaŭvažnym na fonie masavych pratestaŭ suprać falsifikacyj vynikaŭ vybaraŭ i hvałtu siłavikoŭ. Tady «Bavaryja» pieramahła «PSŽ» 1:0.
U siezonie 2020-2021 «Čełsi» pieramoh «ManSici» 1:0, u siezonie 2021-2022 «Reał» vyjhraŭ z takim ža likam u «Livierpula», a hod tamu «ManSici» ź likam 1:0 pieramoh «Inter».
Jak budzie siońnia?
Cikavy fakt. Dla «Reała» heta budzie 18-y finał z 1956 hoda i šosty ŭ XXI stahodździ. U XXI stahodździ karaleŭski kłub, kali dabiraŭsia da finału, to nie prajhravaŭ, a ŭsiaho ŭ madrydcaŭ 14 tytułaŭ pieramožcy Lihi čempijonaŭ.
Dla «Barusii» heta budzie treci finał Lihi čempijonaŭ, u 1997 hodzie kłub zavajavaŭ hałoŭny trafiej u supraćstajańni z «Juvientusam».
***
Darečy, heta apošni siezon Lihi čempijonaŭ u takim farmacie (z hrupavym turniram vosiem pa čatyry kamandy).
Nastupny siezon budzie praviedzieny pa novaj sistemie z ahulnaj tablicaj, kali kamandy hulajuć z kamandami, što pakazvajuć padobnyja vyniki.
Kryšcijanu Ranałdu zastaniecca ŭ Saŭdaŭskaj Aravii jašče na adzin siezon
Biełaruskaha treniera Viktara Hančarenku vykinuli z «Urała» z-za kiepskich vynikaŭ
Fantastyka ŭ stykach Hiermanii! 16-ju kamandu Bundeślihi «pachavali» paśla chatnich 0:3, a jana ŭ haściach ździejśniła nievierahodny kambek
Futbolny Jeŭra-2024 pa BT pakazvać nie buduć
Furor ukraincaŭ u Ispanii — u adnym matčy Doŭbik zabiŭ try hały, Cyhankoŭ — dva. VIDEA
Kamientary
[jość pirackija sajty-ahrehatary]