Спорт1212

Сёння — фінал Лігі чэмпіёнаў. Ці будзе зламаная традыцыя апошніх чатырох фіналаў?

Матч паміж дортмундскай «Барусіяй» і мадрыдскім «Рэалам» пройдзе ў Лондане на культавым «Уэмблі» і пачнецца а 22-й па мінскім часе.

Фота: Uefa.com

У сезоне 2017/2018 фінал паміж «Рэалам» і «Ліверпулем» скончыўся вясёлымі 3:1, але перадусім запомніўся мегафэйламі варатара «Ліверпуля» Ларыса Карыуса, за што той нават выбачыўся перад аднаклубнікамі і заўзятарамі.

У наступным годзе «Ліверпуль» перамог у фінале «Тотэнхем» з лікам 2:0, але гэта быў вельмі сумны матч, дзе мерсісайдцы забілі першы гол на 2-й хвіліне і адразу засушылі гульню.

А потым чатыры гады запар фіналы завяршаліся лікам 1:0.

Спачатку фінал у 2020-м годзе, калі плэй-оф з-за кавіду дагульваўся ў жніўні, але ў Беларусі прайшоў амаль незаўважным на фоне масавых пратэстаў супраць фальсіфікацый вынікаў выбараў і гвалту сілавікоў. Тады «Баварыя» перамагла «ПСЖ» 1:0.

У сезоне 2020-2021 «Чэлсі» перамог «МанСіці» 1:0, у сезоне 2021-2022 «Рэал» выйграў з такім жа лікам у «Ліверпуля», а год таму «МанСіці» з лікам 1:0 перамог «Інтэр».

Як будзе сёння?

Цікавы факт. Для «Рэала» гэта будзе 18-ы фінал з 1956 года і шосты ў XXІ стагоддзі. У XXІ стагоддзі каралеўскі клуб, калі дабіраўся да фіналу, то не прайграваў, а ўсяго ў мадрыдцаў 14 тытулаў пераможцы Лігі чэмпіёнаў.

Для «Барусіі» гэта будзе трэці фінал Лігі чэмпіёнаў, у 1997 годзе клуб заваяваў галоўны трафей у супрацьстаянні з «Ювентусам».

***

Дарэчы, гэта апошні сезон Лігі чэмпіёнаў у такім фармаце (з групавым турнірам восем па чатыры каманды).

Наступны сезон будзе праведзены па новай сістэме з агульнай табліцай, калі каманды гуляюць з камандамі, што паказваюць падобныя вынікі.

Каментары12

  • Маіч
    01.06.2024
    Скажыце хто як з Беларусі паглядзець гэты матч?

    [ёсць пірацкія сайты-агрэгатары]
  • Цім
    01.06.2024
    3:1 на карысць "Рэала". Гэта мая стаўка.
  • Гузік
    01.06.2024
    Сістэма не швайцарская, але пахожая. Вывучыце матчастку!

Цяпер чытаюць

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Усе навіны →
Усе навіны

У Мінску прадаюць гатовы бізнэс за $30 мільёнаў. Што за ён3

Навальнічны фронт дабраўся да Мінска

Змерайце сваю талію і рост — гэтыя дзве лічбы шмат скажуць пра ваша здароўе

Урад вызначыўся з пераносам працоўных дзён у наступным годзе

Учора ў Мінску прапаў хлопчык, які не размаўляў

«Чаму ты адключыў рухавікі?» Папярэдні даклад аб катастрофе самалёта Air India выклікаў яшчэ больш спрэчак4

«Разам адкрывалі кантынент беларушчыны». Вінцук Вячорка згадаў пра Эдварда Зайкоўскага3

На Валыні разбіўся французскі знішчальнік Mirage4

Прэм'еру і спікеру Сейма Літвы прыпомнілі, што яны 17 гадоў таму ездзілі ў Беларусь6

больш чытаных навін
больш лайканых навін

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Галоўнае
Усе навіны →

Заўвага:

 

 

 

 

Закрыць Паведаміць