Kafe Taquería El Califa de León u Miechika isnuje ŭžo amal 60 hadoŭ. Ciapier čarha da malusieńkaha pamiaškańnia 3 na 3 mietry raściahvajecca na ŭsiu vulicu. Prodažy hetaha papularnaha kijoska z taka ŭ Miechika padvoilisia paśla 14 maja, kali Hid Mišlen, samy pryznany ŭ śviecie arbitr vytančanaj kuchni, apublikavaŭ svajo pieršaje mieksikanskaje vydańnie.
Mišlen dadaŭ kafe ŭ svoj pieršy hid pa Mieksicy za firmovaje taka El Califa de León. Jano kaštuje krychu bolš za 4 dalaraŭ i składajecca z troch inhredyjentaŭ — jałavičyny, kukuruznaj aładki i padliŭki na vybar.
Z tych časoŭ biźnies vybuchnuŭ. Čas čakańnia pavialičyŭsia z 10 chvilin da troch hadzin.
Susiedni mahazin pačaŭ zdavać zedliki ŭ arendu klijentam, jakija stajali ŭ čarzie. Kab zadavolić popyt, było naniata bolš rabočych. Turysty pryjazdžajuć z usiaho śvietu, mnohija ź ich fatahrafujuć padčas hatoŭki ježy. Pa słovach Marya Ernandeza Ałonsa, uładalnika kijoska z taka, prodažy padvoilisia.
Šef-kuchar Artura Ryviera Marcinies, jaki pracuje ŭ šapiku ŭžo 20 hadoŭ, zajaviŭ, što sakret jaho taka ŭ prastacie padrychtoŭki i jakasnym miasie.
«Cikava, što źjaviłasia raniej: adydas ci lidskija kiedy»: u tyktoku novaja chvala lubovi da ajčynnaha abutku
Ad 35 rubloŭ za bukiet la Kamaroŭki da niekalkich socień u kramie: kolki kaštujuć pivoni ŭ siezon. I čamu tak doraha?
Biełarus patłumačyŭ u tyktoku, čamu varta zaŭsiody pieraviešvać na kasie ŭžo ŭzvažanuju kaŭbasu
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary