Pradprymalnika, jakoha zatrymali pa viartańni z-za miažy, asudzili da dzieviaci hadoŭ kałonii za danaty
U Minskim haradskim sudzie 20 maja ahučyli prysud 39-hadovamu pradprymalniku Arturu Roliču — dzieviać hadoŭ kałonii va ŭmovach uzmocnienaha režymu.
Jaho asudzili pavodle piaci artykułaŭ Kryminalnaha kodeksa za achviaravańni roznym biełaruskim inicyjatyvam. Prysud vynies Siarhiej Kacar, piša «Viasna».
2013-m mužčyna adkryŭ ułasny biznes — kramu Grandbazaare, u jakoj pradavaŭ brendavaje adzieńnie i abutak. A z 2023-ha Rolič pieravioŭ staronki svajho biznesu na biełaruskuju movu.
Apošniaje paviedamleńnie ŭ supołcy jahonaha biznesu datujecca 27-m lipienia 2023-ha hoda. Tady jon raskazaŭ, što «źjazdžaje ŭ adpačynak, ale vierniecca 15 žniŭnia». Imavierna, pa viartańni z adpačynku Artur byŭ zatrymany.
U vyniku Artura asudzili pavodle niekalkich artykułaŭ Kryminalnaha kodeksa:
č. 1 i 2 art. 290-1 (finansavańnie terarystyčnaj dziejnaści),
č. 1 i 2 art. 361-2 (finansavańnie ekstremisckaj dziejnaści)
i art. 361-2 KK (finansavańnie dziejnaści ekstremisckaha farmiravańnia), jaki dziejničaŭ da maja 2021-ha.
Padtrymać palitviaźnia: SIZA-1, 223016, Navadvorski sielsaviet, 143/4, v. Paškovičy, Minski rajon, Minskaja vobłaść, Artur Alaksandravič Rolič
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary