Łukašenka pryznačyŭ načalnikam Hienštaba — pieršym namieśnikam ministra abarony Paŭła Muraviejku. U kastryčniku Muraviejka zajaviŭ, što «Biełaruś maje prava prasiačy kalidor u Litvu siłaj zbroi» ŭ adkaz na ŭviadzieńnie hetaj krainaj sankcyj.
Raniej Muraviejka byŭ namieśnikam dziaržsakratara Rady biaśpieki.
Pavieł Muraviejka naradziŭsia ŭ Marjinaj Horcy. U 1992-m skončyŭ Minskaje vyšejšaje vajskova-palityčnaje ahulnavajskovaje vučylišča. Paśla pastupiŭ u minskuju Vajskovuju akademiju, jakuju skončyŭ u 2001-m. Praź niekalki hadoŭ vučyŭsia ŭ Rasii — u Akademii Hienštaba RF. Skončyŭ jaje ŭ 2008-m z załatym miedalom.
Pieršyja ŭznaharody znajšli Muraviejku ŭ 2010-m, u zvańni pałkoŭnika. U hetym hodzie jamu vydali miedal «Za biezdakornuju słužbu» II stupieni i «Za adznaku ŭ voinskaj słužbie». Na hety momant jon zajmaŭ pasadu načalnika pieršaha ŭpraŭleńnia Hałoŭnaha vajskovaha ŭpraŭleńnia Hienštaba. U 2013-m jaho pastavili kiravać Hałoŭnym apieratyŭnym upraŭleńniem i dali hienieralskaje zvańnie.
U 2015-m Muraviejku adznačyli miedalom «Za biezdakornuju słužbu» I stupieni, a ŭ 2016-m — ordenam «Za słužbu Radzimie» III stupieni. U 2022-m hienierała pieraviali na pasadu pieršaha namieśnika dziaržaŭnaha sakratara Rady biaśpieki Biełarusi i vydali orden «Za słužbu Radzimie» II stupieni.
Jość u Muraviejki i rasijskaja ŭznaharoda. U 2019 hodzie rasijski pasoł Michaił Babič uručyŭ jamu orden Družby.
Palityk Pavieł Łatuška nazyvaŭ Muraviejku razam z hienierałam Alaksandram Valfovičam rasijskim łobi ŭ biełaruskim siłavym błoku.
U hienierała jość dačka, jakaja lubić padarožničać — najpierš u Jeŭropu.
U kastryčniku minułaha hoda Muraviejka zajaviŭ, što «Biełaruś maje prava prasiačy kalidor u Litvu siłaj zbroi» ŭ adkaz na ŭviadzieńnie hetaj krainaj sankcyj.
18 śniežnia 2023 hoda Muraviejku dadali ŭ sankcyjny śpis Jeŭrapiejskaha sajuza, nakiravany suprać asob, jakija majuć dačynieńnie da ŭvarvańnia Rasii va Ukrainu. Paźniej da jeŭrapiejskaha pakieta sankcyj dałučyłasia Šviejcaryja, Ałbanija, Bośnija i Hiercahavina, Isłandyja, Lichtenštejn, Małdova, Narviehija, Paŭnočnaja Makiedonija, Čarnahoryja, Ukraina.
Papiaredniaha načalnika Hienštaba 54-hadovaha Viktara Huleviča Łukašenka zvolniŭ z pasady 10 maja. Adstaŭku patłumačyli ŭzrostam hienierała.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary