Łukašenka zvolniŭ Viktara Huleviča z pasady načalnika Hienštaba
54-hadovy hienierał zajmaŭ hetu pasadu z sakavika 2021 hoda.
Adstaŭka tłumačycca ŭzrostam Huleviča.
Viktar Hulevič zvolnieny z vajskovaj słužby ŭ zapas z pravam našeńnia vajskovaj formy adzieńnia i znakaŭ adroźnieńnia.
Viktar Hulevič — uradženiec Słuckaha rajona, u 1990 hodzie skončyŭ Maskoŭskaje vyšejšaje ahulnavajskovaje kamandnaje vučylišča. Potym karotki čas słužyŭ u Zakaŭkazskaj vajskovaj akruzie, a paśla raspadu SSSR viarnuŭsia na radzimu.
Vajskovuju karjeru rabiŭ u siłach śpiecyjalnych apieracyj, prachodziačy paśladoŭna ŭsie prystupki. U 2011 hodzie ŭ zvańni pałkoŭnika ŭznačaliŭ 38-ju asobnuju hvardziejskuju mabilnuju bryhadu. Zatym słužyŭ namieśnikam kamandujučaha — načalnikam adździeła bajavoj padrychtoŭki kamandavańnia sił śpiecyjalnych apieracyj, namieśnikam kamandujučaha siłami śpiecyjalnych apieracyj, načalnikam štaba — pieršym namieśnikam kamandujučaha siłami śpiecyjalnych apieracyj Uzbrojenych Sił Biełarusi.
21 lutaha 2020 hoda pryznačany kamandujučym vojskami Zachodniaha apieratyŭnaha kamandavańnia Uzbrojenych sił Respubliki Biełaruś, a 11 sakavika 2021-ha staŭ druhim čałaviekam u vojsku, zaniaŭšy pasadu načalnika Hienieralnaha štaba Uzbrojenych sił Respubliki Biełaruś — pieršaha namieśnika ministra abarony Respubliki Biełaruś
Pavodle infarmacyi našych krynic, u 2022 hodzie Viktar Hulevič byŭ siarod tych čynoŭnikaŭ i vajskoŭcaŭ, jakija nie chacieli ŭstupleńnia Biełarusi ŭ vajnu va Ukrainie na baku Rasii.
«U Hienštabie bolš realistyčna aceńvali, jak heta budzie razhortvacca, jak buduć praciakać bajavyja dziejańni, što heta takoje — šturmavać trochmiljonny Kijeŭ i pazicyi na Danbasie, jakija ŭkraincy rychtavali da abarony 8 hadoŭ. Z druhoha boku, tam [u Hienštabie] razumieli i nastroi biełaruskich vajskoŭcaŭ, u jakich, jak i va ŭsiaho hramadstva, masa svajakoŭ va Ukrainie, masa sasłužyŭcaŭ i adnahrupnikaŭ, ź jakimi jany na kantakcie, a taksama [ŭ vajskoŭcaŭ] niama, u adroźnieńnie ad ruskich, manalitnaha razumieńnia, čamu treba zabivać ukraincaŭ».
Chto ŭ akružeńni Łukašenki vystupaŭ za ŭstupleńnie ŭ vajnu, a chto byŭ suprać
Minaabarony ŭ videa pra vučeńni ź jadziernaj zbrojaj pasprabavała zabluryć samalot, ale niešta pajšło nie tak
Łukašenka davioŭ hienierałam, što Polšča i Litva značna horšyja navat za vajnu va Ukrainie
Pačałasia raptoŭnaja pravierka hatoŭnaści sił i srodkaŭ nośbitaŭ taktyčnaj jadziernaj zbroi
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary