Ušanavańnie prezidenta Raisi ŭ AAN paraŭnalna z ušanavańniem Stalina — Bild
U paniadziełak AAN spuściła ściahi ŭ pamiać ab zahinułym u avijakatastrofie prezidencie Irana Ebrachimie Raisi.
Na pasiadžeńni Rady biaśpieki dypłamaty ŭšanavali jaho pamiać ustavańniem i chvilinaj maŭčańnia. Heta zapytali pradstaŭniki Rasii, Kitaja i Ałžyra. Ahladalniki Bild Karen fon Hutenbierh i Juljan Ropkie ličać heta dokazam «maralnaha bankructva» AAN, bo zahinuły byŭ adkazny za pakarańnie tysiač palitviaźniaŭ.
Iranskaja apazicyja nazyvała jaho «tehieranski miaśnik».
«Scena ŭ Radzie Biaśpieki AAN hetak ža nievierahodnaja, dziŭnaja i niedarečnaja, jak kali b ustali za Stalina, Hitlera abo Usamu bien Ładena», — pišuć žurnalisty.
Toje, što adbyłosia, jany nazyvajuć «paminańniem masavaha zabojcy».
Hiermanija zaraz nie zasiadaje ŭ Radzie Biaśpieki AAN. Ale raniej kancler FRH Ołaf Šolc i ŭłady ES taksama vykazali spačuvańni ŭ suviazi z hibiellu Raisi. Heta vyklikała krytyku z boku šmat jakich palitykaŭ.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary