U Kryčavie vyzvaleny recydyvist śpiecyjalna ździejśniŭ złačynstva, kab viarnucca nazad u turmu
U Kryčavie ŭziali pad vartu 50-hadovaha mužčynu, jaki pierad tym roŭna pałovu svajho žyćcia pravioŭ u miescach źniavoleńnia. Jon vyzvaliŭsia ŭ 2020 hodzie i tak i nie zmoh prystasavacca da žyćcia na voli, paviedamlaje Mayday.team.
Poźnim viečaram 27 krasavika mužčyna razmałaciŭ małatkom bankamat kala kramy «Jeŭraopt» u centry horada, a śledčym paźniej zajaviŭ, što chacieŭ napaści ź im na kaho zaŭhodna, ale nikoha na svaim šlachu nie sustreŭ.
Mužčyna pierad tym mieŭ užo dźvie sudzimaści: u kancy 1990-ch jamu dali 5 hadoŭ turmy za kradziažy, a paśla vychadu ź miescaŭ pazbaŭleńnia voli jon ździejśniŭ zabojstva i byŭ asudžany ŭžo na 20 hadoŭ.
Vyzvaliŭsia recydyvist u 2020 hodzie i paśla taho pažyŭ na voli kala čatyroch hadoŭ. Adnak uładkavać svajo žyćcio tak i nie zmoh, tamu takim nietryvijalnym sposabam vyrašyŭ viarnucca ŭ turmu.
Kryčaŭski adździeł Śledčaha kamiteta raspačaŭ suprać recydyvista kryminalnuju spravu pavodle artykuła «Chulihanstva», jaki praduhledžvaje da troch hadoŭ pazbaŭleńnia voli.
Vynieśli prysud žančynie, jakaja zabiła adno niemaŭla i nie dała naradzicca druhomu
Vyrvali ŭsiu pravodku, ad pralnaj mašyny zastalisia tolki kavałki. Padletki ŭščent razhramili dom žančyny, a jana za heta atrymała štraf
Arhanizatary nielehalnaj mihracyi ź Biełarusi ŭ ES pieraviali $30 miljonaŭ na padtrymku terarystaŭ
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci9
Kamientary