U Biełarusi za hod pažanilisia amal 500 par vielmi stałaha ŭzrostu
Ličbami da Dnia siamji padzialiŭsia Biełstat.
U Biełarusi žyvuć 2,6 miljona siemjaŭ. U 2023 hodzie žychary stvaryli 56 tysiač siemjaŭ.
U siarednim mužčyny ŭstupajuć u šlub u 28,8 hoda, žančyny — u 26,5. Cikava, što letaś pažanilisia 444 pary, u jakich žanichu i niavieście było bolš za 65 hadoŭ. Siarod ich 42 žančyny i 60 mužčyn ustupili ŭ šlub upieršyniu.
Bolš za pałovu siemjaŭ vychoŭvajuć adno dzicia, kožnaja treciaja — dvuch, u kožnaj 11-j siamji try dziciaci i bolš. Na 28,1% vyrasła kolkaść par, jakija skarystalisia praceduraj EKA — takim čynam maci stali 1392 žančyny.
Cikava, što biełarusy ŭ cełym zadavolenyja raźmierkavańniem abaviazkaŭ u siamji — 89% žančyn i 95,3% mužčyn. Biudžet biełarusy ŭ bolšaści viaduć sumiesny. Rašeńni ab darahich pakupkach prymajuć paśla abmierkavańnia z mužam abo žonkaj. Amal 90% mužčyn i žančyn adkazali, što i dziaciej vychoŭvajuć sumiesna.
Kamientary