Prapahanda sprabuje admyć Natallu Ejsmant: kažuć, što jaje «Roleks» kaštuje $100
I vypadkova apublikavali dakumient, jaki śviedčyć, što ŭ siamji Ejsmantaŭ jość treciaja kvatera — chaj i słužbovaja.
Praŭładnyja pamyjkavyja telehram-kanały adreahavali na infarmacyju «Aljans rasśledavalnikaŭ Biełarusi» pra hadzińnik pres-sakratarki Alaksandra Łukašenki Natalli Ejsmant, a taksama na artykuł pra jaje nieruchomaść.
Rasśledavalniki zaŭvažyli na ruce hadzińnik Natalli Ejsmant Rolex Datejust 31mm, jaki kaštuje ad 19 da 22,6 tysiačy jeŭra ŭ zaležnaści ad kolkaści bryljantaŭ u afarmleńni.
Adnak prapahandyscki telehram-kanał zapeŭnivaje, što Ejsmant nosić padrobku pad Rolex. U jakaści dokazu vystaŭlajecca skrynšot z sajta chasy.by, na jakim možna kupić kopiju aryhinalnaha hadzińnika za 331 rubiel. Heta $102 pa ciapierašnim kursie.
Aproč taho, havorka zajšła i pra kvatery Natalli Ejsmant i jaje muža, kiraŭnika BT Ivana Ejsmanta. Prapahanda pasprabavała asprečyć toj fakt, što ŭ siamji jość dźvie kvatery. Ale zamiest hetaha pryznałasia, što ŭ Ejsmantaŭ jość jašče i treciaje žyllo.
Jašče ŭ mai 2018 hoda Natalla Ejsmant nabyła kvateru žyllovym kompleksie «Alimpik-Park» u Minsku — u domie №32 na vulicy Ratamskaj. Heta dakładnaja infarmacyja, jakuju nichto nie asprečvaje.
Pytańnie ŭźnikła da inšaj kvatery Ejsmantaŭ, jakaja znachodzicca na vulicy Kamiennahorskaj, 16. Jaje płošča — 118,4 mietra. «Lusterka» z dapamohaj kamandy Belpol vyśvietliła, što Natalla Ejsmant nabyła hetuju kvateru ŭ 2019 hodzie.
Adnak prałukašenkaŭskija kanały śćviardžajuć, što heta žyllo — słužbovaje. I ŭ jakaści dokazu apublikavali damovu ab pieradačy Ivanu Ejsmantu słužbovaj kvatery. Voś tolki ŭ akcie paznačana, što płošča hetaj pieradadzienaj nieruchomaści — 40,1 mietra.
Adras kvatery nieviadomy, ale atrymlivajecca, što havorka idzie jašče pra adnu kvateru Ejsmantaŭ — treciuju pa liku.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary