Minsk i Maskva płanujuć raspracavać sumiesnuju prahramu pa sudnabudavańni. Navinoj padzialiŭsia ministr pramysłovaści Alaksandr Rahožnik u efiry telekanała STB.
U siaredzinie krasavika Biełaruś i Rasija zaklučyli mižuradavaje pahadnieńnie ab raspracoŭcy i vypusku samalota «Aśviej». U Rahožnika karespandenty spytali, jak prasoŭvajecca stvareńnie biełaruska-rasijskaha samalota. Ale toj nie staŭ adkazvać na pytańnie. Skazaŭ, što supracoŭnictva z Rasijaj nie abmiažoŭvajecca samalotami — «heta vialiki błok stankabudavańnia, mikraelektroniki, aeradromnaj tematyki».
«Ciapier my razhladajem pytańnie raspracoŭki prahramy pa sumiesnym sudnabudavańni. Heta vialiki płast absalutna roznych prajektaŭ, jakija dapaŭniajuć adno adnaho ŭ Sajuznaj dziaržavie», — skazaŭ ministr.
Pavodle jaho słoŭ, siońnia Rasijaj uzhodnienyja 25 sumiesnych ź Biełaruśsiu prajektaŭ, na stadyi razhladu jašče siem. Piać ź ich užo adobrany rasijskim bokam.
Ministr pramysłovaści dadaŭ, što z rasijskim Minpramhandlem dasiahnuty damoŭlenaści ab jašče adnym tranšy pad vysokatechnałahičnyja sumiesnyja prajekty.
Hihancki ŭčastak u Sočy, jaki naležaŭ Respublicy Biełaruś, pradali za biascenak firmam, źviazanym asabista z Łukašenkam — Biełpoł
Rasijski sienatar prapanavaŭ abjadnać Biełaruś z Kalininhradskaj vobłaściu. Ale chutka adumaŭsia
Limuzin za $1 500 000 i try miachi bulby: jakija padarunki dorać Łukašenku, a jakija — jon sam
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary