Rasijski sienatar prapanavaŭ abjadnać Biełaruś z Kalininhradskaj vobłaściu. Ale chutka adumaŭsia
Rezanansnymi zajavami adznačyŭsia člen Savieta Fiederacyi Rasii ad akupanavaha Kryma Siarhiej Cekaŭ.
Raniej sienatar Cekaŭ zajaviŭ u razmovie z «RIA Naviny», što
kali NATA i biełaruskaja apazicyja pasprabujuć uvieści vojski ŭ Biełaruś i zachapić častku terytoryi, to na heta budzie adkaz jak ad Minska, tak i ad Maskvy. U tym liku jon vykazaŭ zdahadku, što Biełaruś moža abjadnacca z terytoryjaj Kalininhrada.
Zatym u Telegram źjavilisia naviny pra toje, što Siarhiej Cekaŭ rychtuje prapanovy ab abjadnańni rasijskaha subjekta ź Biełaruśsiu. «Hetaja infarmacyja nie adpaviadaje rečaisnaści. Ja nie źbirajusia rabić nijakich prapanoŭ. Biełaruś — samastojnaja i niezaležnaja dziaržava», — adznačyŭ sienatar «Kamiersantu». Pavodle jaho,
raniej jon prosta razvažaŭ pra mahčymyja hieapalityčnyja nastupstvy ŭ vypadku ŭźniknieńnia padobnaj situacyi, a nie pra kankretnyja dziejańni rasijskich uładaŭ.
Nahadajem, 25 krasavika Alaksandr Łukašenka zajaviŭ pra nibyta płany apazicyi zachapić Kobrynski rajon i źviarnucca pa abaronu da NATA.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary