Tannyja rejsy lotajuć z Polščy i Litvy. Piša Pavieł Biełavus.
Zvyčajnaje biełaruskaje ŭjaŭleńnie pra samalot — heta doraha! Tak, pieralot ź Minska ŭ Prahu i nazad budzie kaštavać 300 jeŭra.
Ale ŭ Jeŭropie vialikaja kankurencyja avijakampanij. Jany sprabujuć pieraciahnuć klijentaŭ, prapanoŭvajučy pieraloty pa supiernizkich koštach. Najbolš viadomyja siarod takich — Wizzair, Ryanair. Kampanii majuć sajty, na jakich možna daviedacca ceny i adrazu nabyć kvitok. Tolki sačycie ŭvažliva: ceny źmianiajucca amal kožny dzień.
Mnie paščaściła znajści varyjant Katavicy (niedaloka ad Krakava) — Miłan za 40 jeŭra ŭ abodva baki. Lepš za ŭsio, branirujučy kvitok na sajcie, u raździele bahaž paznačać «0» i brać z saboju na bort zaplečnik. Tolki paznajomciesia sa śpisam dazvolenych rečaŭ u ručnym bahažy.
Ja karystaŭsia sajtam wizzair.com. Spačatku rehistrujemsia, padbirajem napramak. Najbolš tannyja vylety dla biełarusaŭ — z Kijeva (Ukraina), Varšavy i Katavic (Polšča). (Ź Biełaruśsiu avijakampanija nie pracuje.) Z Polščy vybar napramkaŭ bolšy. Zapaŭniajem patrebnyja pali i dachodzim da formaŭ apłaty: hrašovy pieravod albo płastykavaja kartka.
U Biełarusi tolki «BPS‑Bank» robić kartki dla internet‑apłataŭ. Kartka nazyvajecca Visa Virtuon, kaštuje vosiem tysiač, vyrablajecca tydzień. Abaviazkova treba zamaŭlać kartku dla apłat u jeŭra ci dalarach. Jak jaje atrymali, praz bank zaličyli hrošy na kart‑rachunak — možna zamaŭlać tur na samalot i apłačvać. Zatym na e‑mail prychodzić paćvierdžańnie, što pieralot apłačany. Za niekalki dzion da vyleta kampanija jašče i nahadaje, što pryjšoŭ čas źbiracca ŭ vandroŭku.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary