Si Czińpin prapanavaŭ čatyry pryncypy ŭrehulavańnia ŭkrainskaha kryzisu
Staršynia KNR Si Czińpin na sustrečy ź niamieckim kancleram Ołafam Šolcam prapanavaŭ čatyry pryncypy ŭrehulavańnia ŭkrainskaha kryzisu. Jany takija ž ahulnyja, jak i letašni dakumient Piekina, u jakim utrymlivaŭsia zaklik da «palityčnaha ŭrehulavańnia» kanfliktu.
Si Czińpin na sustrečy z Šolcam akcentavaŭ uvahu na tym, kab nie dapuścić razrastańnia kanfliktu.
«Pa-pieršaje, my pavinny zasiarodzicca na padtrymańni miru i stabilnaści i nie pieraśledvać karyślivych intaresaŭ.
Pa-druhoje, my pavinny astudzić situacyju, a nie padlivać masła ŭ ahoń.
Pa-treciaje, my pavinny stvaryć umovy dla adnaŭleńnia miru i paźbiehnuć dalejšaha abvastreńnia napružanaści.
Pa-čaćviortaje, my pavinny źnizić niehatyŭnaje ŭździejańnie na suśvietnuju ekanomiku i nie padryvać stabilnaść hłabalnych pramysłovych łancužkoŭ i łancužkoŭ pastavak», — skazaŭ kitajski lidar.
«Čatyry pryncypy» pieraklikajucca ź letašnim dakumientam Piekina, u jakim utrymlivaŭsia zaklik da «palityčnaha ŭrehulavańnia» kanfliktu. Na dumku šerahu zachodnich ahladalnikaŭ, heta dazvolić Rasii ŭtrymać bolšuju častku zachoplenych ukrainskich terytoryj.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć1
Kamientary
Iz Tibieta dla načała pusť ubirajutsia, potom pohovorim o principach.