Napisaŭ, dzie pakinuŭ rečy i hrošy. Što viadoma pra hibiel biełarusa, jakoha znajšli ŭ polskim porcie
36-hadovy biełarus, jakoha znajšli zahinułym u porcie na Pamorji, chutčej za ŭsio, prapaŭ jašče ŭ lutym, stała viadoma MOST. Jaho pakul nie ŭdałosia apaznać z-za mocnaj źmieny cieła: vierahodna, jano doŭha pralažała ŭ vadzie. Ale znajomy mužčyny apaznaŭ jaho rečy. MOST pahavaryŭ z krynicaj, znajomaj ź situacyjaj.
Biełarusa znajšli ŭ akvatoryi rybnaha porta ŭ Jastarnie 9 krasavika. Cieła zaŭvažyŭ ekipaž kaciera, jaki prachodziŭ mima. Ab incydencie paviedamili palicyi i ratavalnikam. U porcie terminova pačali vyratavalnuju apieracyju, ale mužčyna byŭ užo miortvy.
Pa infarmacyi MOST, zahinułym moža być Pavieł B. Jon pierastaŭ vychodzić na suviaź jašče 21 lutaha. Tady znajomyja padali ŭ palicyju zajavu ab źniknieńni čałavieka, a potym svajaki zdali ŭzory DNK. Ale da hetaha času pošuki nie prynosili vyniku.
Apaznać mužčynu pakul nie ŭdałosia: u vadzie cieła nadźmułasia. Ale znajomy Paŭła apaznaŭ jaho abutak — jon nasiŭ tufli na niezvyčajnaj padešvie, padobnaj na słancy.
16 krasavika apaznańnie pavinna być praviedziena paŭtorna: svajaki pieradali śpis asablivych prykmiet mužčyny, u tym liku radzimak.
Zjechaŭ z-za palityki, staraŭsia ŭsim dapamahać
Pa słovach znajomych Paŭła, jon pryjechaŭ u Polšču ŭ kancy 2020 ci pačatku 2021 hoda z-za palityčnaha pieraśledu. Krynica MOST śćviardžaje, što mužčyna nie byŭ asabliva palityčna aktyŭnym i na akcyju pratestu ŭ 2020 hodzie pajšoŭ chutčej za kampaniju. Ale tam jaho zatrymali, a paźniej Pavieł daviedaŭsia, što suprać jaho ŭzbudžana kryminalnaja sprava. Pakul nie nakłali abmiežavańnie na vyjezd, jon zjechaŭ u Polšču, dzie niejki čas žyŭ u centry dla zamiežnikaŭ.
Z časam Pavieł lehalizavaŭsia ŭ Polščy: atrymaŭ kartu pobytu i prajazny dakumient zamiežnika. Miarkujecca, što hetyja dakumienty mahli być pry im, kali jon źnik.
Surazmoŭca miarkuje, što Pavieł moh pajechać jakraz u centr dla zamiežnikaŭ u vioscy Hrupa pad Hrudziondzam. Tam u jaho byli znajomyja. Hety horad znachodzicca ŭ nizoŭjach Visły. Kali mužčyna patrapiŭ u vadu tam, to płyńniu jaho mahło vynieści ŭ Bałtyjskaje mora.
Niezadoŭha da źniknieńnia jon paviedamiŭ, u kaho pakinuŭ svaje rečy. Tam ža byli hrošy i biełaruskija dakumienty.
Znajomyja charaktaryzujuć Paŭła jak dabradušnaha, spahadlivaha, spakojnaha, saramlivaha čałavieka. Jon usim staraŭsia dapamahčy. Mužčyna vielmi sumavaŭ pa baćkach, tamu zmušanaja emihracyja davałasia jamu nialohka.
Nakolki viadoma redakcyi MOST, kali cieła ŭdasca apaznać, rodnyja chacieli b zabrać jaho dadomu ŭ Biełaruś.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary