16-hadovaha padletka z rasijskaha Kiemierava asudzili na piać z pałovaj hadoŭ kałonii za padpał na čyhuncy
Heta kvalifikavali jak dyviersiju.
Kiemieraŭski abłasny sud prysudziŭ da piaci hadoŭ i šaści miesiacaŭ vychavaŭčaj kałonii 16-hadovaha abvinavačanaha ŭ padpale na čyhuncy. Rašeńnie vynieśli jašče ŭ siaredzinie sakavika, ale pres-słužba suda dała spravazdaču pra heta tolki ŭčora, paviedamlaje «Miedyjazona».
Pavodle viersii śledstva, padletak padpaliŭ relejnuju šafu la čyhunačnych šlachoŭ paśla «pierapiski ź nieŭstanoŭlenaj asobaj u miesiendžary». Heta kvalifikavali jak dyviersiju.
Kuzbasaviec, jak pišuć pradstaŭniki suda, pryznaŭ vinu ŭ padpale, ale kazaŭ na pasiadžeńni, što «metaŭ padryvu ekanamičnaj biaśpieki i abaranazdolnaści Rasiejskaj Fiederacyi», jakija jamu stavili ŭ vinu, «nie pieraśledvaŭ».
Heta adbyłosia ŭ krasaviku 2023 hoda la centra sportu «Kuzbas». Padletak paśla kazaŭ na kamieru, što atrymaŭ ad niejkaha «kuratara» za padpał piać tysiač rubloŭ (60 dalaraŭ) i patraciŭ ich na adzieńnie.
Bolšaści zatrymanym pa spravach ab dyviersijach na čyhuncy mienš za 21 hod, tracina ad ahulnaj kolkaści fihurantaŭ takich spraŭ — niepaŭnaletnija.
Čaściej za ŭsio siłaviki nazyvali ŭ jakaści matyvaŭ zatrymanych «kurataraŭ z Ukrainy» i hrošy. Antyvajennyja matyvy, kali jany jość, siłaviki imknucca nie afišavać.
Kamientary