Pamior kapitan kamandy «Adeskija džentlmieny», scenaryst prahramy «Haradok»
Śviatasłaŭ Pielišenka byŭ nie tolki scenarystam i šoŭmenam, ale i navukoŭcam-fizikam.
31 sakavika, pamior viadomy scenaryst, šoŭmen, navukoviec-fizik Śviatasłaŭ Pielišenka, piša «Adeskaje žyćcio».
Jon skončyŭ fizičny fakultet i aśpiranturu Adeskaha ŭniviersiteta imia Miečnikava. Vykładaŭ u hetaj VNU, byŭ dacentam kafiedry tearetyčnaj fiziki.
Najbolšuju viadomaść jak u rodnaj Adesie, tak i za jaje miežami jon atrymaŭ u kancy 1980-ch — pačatku 1990-ch jak kapitan kamandy KVZ «Adeskija džentlmieny».
«Jak šmat hora… ad nas syšoŭ kapitan … Śviatasłaŭ Pielišenka … Słava … vialikaje dzicia … biaźmiežna talenavity, biaskonca mudry, bieskampramisna spraviadlivy i sumlenny, vielmi ścipły i ŭsimi nami, usioj kamandaj, vielmi lubimy. Bo rodny!», — dadała adeskaja žurnalistka i deputat, byłaja ŭdzielnica kamandy «Adeskija džentlmieny» Śviatłana Fabrykant.
Jana taksama nahadała, što Śviatasłaŭ vielmi lubiŭ svaju Adesu, pryśviaciŭ joj knihi, vieršy i navat pieśni.
«Słava, Śviatłasłaŭ Pielišenka, pamior … jaho viedali. Ser Kapitan. Samaja dobraja pamiać. Samaja śmiešnaja. I samaja śvietłaja. Słava byŭ čałaviek-radaść. Vialikaja biada», — napisała ŭ fejsbuku žurnalistka Alena Rykaŭcava.
Pielišenka šmat hadoŭ hulaŭ u KVZ, byŭ kapitanam kamandy «Adeskija džentlmieny». Z 1991 hoda na rasijskim telebačańni kiravaŭ adździełam humarystyčnych prahram.
Byŭ adnym z aŭtaraŭ prahram «Haradok», «Błakitny ahieńčyk na Šabałaŭcy», «subotni viečar», «Pieśnia hoda» i inšych zabaŭlalnych prahram. U 2007 hodzie staŭ łaŭreatam premii «TEFI» jak scenaryst prahramy «Haradok».
Ciapier čytajuć
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku2
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary