Kasmanaŭtka Vasileŭskaja: U palocie dapamahaje padtrymka Łukašenki
Pieršaja biełaruska, jakaja palacieła ŭ kosmas, vyjšła ŭ efir u kambiniezonie z hihanckim čyrvona-zialonym ściaham i rassypałasia ŭ kamplimientach da Łukašenki.
Maryna Vasileŭskaja raskazała na «Biełaruś 1», što ŭžo adaptavałasia na MKS.
«Umovy raźmiaščeńnia na stancyi dobryja. Prystupiła da vykanańnia prahramy palotu. Ekipaž stancyi družny, pryniaŭ nas z Aleham Navickim haścinna, akazvaje dapamohu jak u bytavych pytańniach, tak i ŭ praviadzieńni zapłanavanych ekśpierymientaŭ. Adčuvajem uvahu i dobraje staŭleńnie ŭsiaho ekipaža. Prajekt adbyŭsia dziakujučy asabistamu ŭdziełu prezidenta našaj krainy Alaksandra Ryhoraviča Łukašenki. Kłopat i padtrymku kiraŭnika dziaržavy adčuvaju pastajanna, i heta vielmi dapamahaje mnie ŭ kaśmičnym palocie», — skazała jana.
Maryna Vasileŭskaja stała pieršaj kasmanaŭtkaj u historyi suvierennaj Biełarusi. Jana prybyła na MKS 25 sakavika na karabli «Sajuz MS-25». U składzie kamandy — uradženiec Biełarusi Aleh Navicki i amierykanski bortinžynier, astranaŭt Trejsi Dajsan. Praciahłaść pracy ekipaža EP-21 na rasijskim siehmiencie MKS składzie 12 sutak.
Kamientary