Čały patłumačyŭ, čym byŭ karysny Miaśnikovič u čas pracy z Łukašenkam
«Jaho aparat uvasablaŭ funkcyju «abarony ad durnia».
U kulinarnym jutub-prajekcie Mikałaja Chalezina «Pieratrom z Chalezinym» režysior razam z ekanamistam Siarhiejem Čałym razvažali pra biełaruskija elity. Čały zhadaŭ, jak na jaho vačach ŭłada ŭ Biełarusi, jak i ŭ šmat jakich inšych krainach u 1990-ch hadach, viarnułasia da starych partyjnych elit. Na Zachadzie hety pieryjad byŭ nieabchodny, pa słovach analityka, dla taho, kab jany pieratvarylisia ŭ sacyjał-demakrataŭ.
«Ja prosta pamiataju, jak sustreŭ u mužčynskaj prybiralni Administracyi prezidenta Michaiła Uładzimiraviča Miaśnikoviča i zrazumieŭ, što ramantyčny pieryjad pracy ŭ administracyi skončyŭsia.
Pieršaje, z čaho ja zrazumieŭ, što ciapier usio budzie pa-inšamu, heta kali mnie na pracoŭnaje miesca prynieśli knižačku słužbovych instrukcyj taŭščynioj u calu. Ja nie viedaju nikoha, chto b jaje čytaŭ, ale jana była takoj taŭščyni. Heta było zroblena pry Miaśnikovičy. Jon ličyŭ, kali heta nie napisana, to i abaviazkaŭ niama. I heta ź jaho punktu hledžańnia pavyšała efiektyŭnaść», — raspaviadaje ekanamist.
Pa słovach Čałaha, prychod u Administracyju Łukašenki Miaśnikoviča (u kastryčniku 1995 hoda) aznačaŭ pieramohu staroj kamunistyčnaj elity nad ramantykami pieršaj chvali.
Siarhiej Čały havoryć, što vysoka cenić rolu Miaśnikoviča ŭ čas jaho raboty z Łukašenkam:
«Hety čałaviek, jaki vykonvaŭ vielmi važnuju narodna-haspadarčuju zadaču. Jaho aparat uvasablaŭ funkcyju «abarony ad durnia». Na toj momant hety čałaviek vałodaŭ biassprečnym aŭtarytetam va ŭsioj namienkłatury. Jon vybudavaŭ sistemu vykanańnia absalutna idyjockich idej Łukašenki».
Čały tłumačyć: kali ŭkazy, rasparadžeńni, dekrety padpisvajucca Łukašenkam, to pratakoł daručeńniaŭ pa vynikach luboj narady — nie.
«Heta dazvalała časam vykinuć niejkaje hłupstva, čaściej pierafarmulavać jaho pa-inšamu, a časam i ŭstavić momant, jaki byŭ patrebien», — havoryć ekanamist.
Čytajcie jašče:
U Čałaha spytali, kali jon zaprosić Šrajbmana na svajo viečarovaje šou
-
Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
-
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
-
U Parku Čaluskincaŭ z koła ahladu źniali kabinki FOTAFAKT
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi10
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary