Na vałhahradskim telebačańni nazvali miescy pracy i imiony ludziej, jakija prynosili kvietki ŭ pamiać ab Navalnym
Viadučy pieradačy «Hutarka anłajn» na telekanale «Vałhahrad 1» Siarhiej Mazanaŭ pravioŭ, pavodle jaho słoŭ, «rasśledavańnie» sa svajoj kamandaj i vyličyŭ ludziej, jakija prynosili kvietki paśla śmierci Alaksieja Navalnaha da haradskoha pomnika achviaram palityčnych represij, piša The Insider.
Paśla hetaha jon začytaŭ ich imiony i proźviščy, a na ekranie zjavilisia fatahrafii ludziej, miescy ich pracy i spasyłki na asabistyja staronki ŭ sacsietkach.
Viadučy nazvaŭ pomnik achviaram represij u Vałhahradzie «miescam pałomnictva navalnistaŭ». Pavodle słoŭ Mazanava, jaho «dzivić» kolkaść tych, chto «nie prosta prasiaknuŭsia ducham apazicyjnych idej, ale adkryta vykazvaje ich» u Vałhahradzie.
U śpisie akazalisia nastaŭniki, supracoŭniki bankaŭ i bujnych kampanij. Viadučy pieraličyŭ imiony bolš za 15 čałaviek, jakija prynosili kvietki da pomnika, i skazaŭ, što «rasśledavańnie jašče nie skončana».
«Čas pryjšoŭ: pa sutnaści, Uładzimir Uładzimiravič skazaŭ zmahacca, voś my svaimi mietadami budziem zmahacca», dadaŭ viadučy.
Taksama Mazanaŭ vykazaŭ svajo mierkavańnie ab Alaksiei Navalnym, nazvaŭšy jaho «kryminalnikam»: «Čałaviek, jaki adkryta pracuje na našych vorahaŭ». «Tam nijakaj nie było palityčnaj spravy. Jon abraziŭ vieterana Vialikaj Ajčynnaj vajny, da hetaha jon skraŭ z bratam les», — skazaŭ jaho suviadučy ŭ efiry.
U dzień raźvitańnia z Navalnym u haradach Rasii zatrymali 113 čałaviek. U Maskvie, dzie na pachavańnie pryjšli dziasiatki tysiač, tady zatrymali tolki 17 čałaviek.
Ciapier čytajuć
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ30
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary