Kreml admaŭlaje pieramovy ab abmienie Navalnaha: Była tolki vyłučana ideja
Pradstaŭnik Kramla Dźmitryj Piaskoŭ admaŭlaje pieramovy nakont abmienu Alaksieja Navalnaha paśla taho, jak Uładzimir Pucin zajaviŭ, što hatovy byŭ da abmienu, piša Bi-bi-si.
«Jon [Pucin] raspavioŭ pra toje, što była vyłučana ideja adnym ź ludziej ab abmienie Navalnaha, na jakuju jon patencyjna pahadziŭsia i pra heta adrazu ž skazaŭ tamu, chto takuju ideju vysunuŭ. Pucin nie kazaŭ pra toje, što byli praviedzienyja na hety kont pieramovy», — skazaŭ Piaskoŭ.
Unačy paśla prezidenckich vybaraŭ Pucin upieršyniu prakamientavaŭ paviedamleńni ab padrychtoŭcy abmienu Navalnaha, pra jaki raniej raspaviadali paplečniki zahinułaha ŭ kałonii palityka. Prezident Rasii pry hetym pieršy raz nazvaŭ Navalnaha pa proźviščy.
«Za niekalki dzion da sychodu spadara Navalnaha z žyćcia mnie niekatoryja kalehi — nie supracoŭniki administracyi, a niekatoryja ludzi — skazali, što jość ideja abmianiać spadara Navalnaha na niekatorych ludziej, jakija znachodziacca ŭ miescach pazbaŭleńnia voli ŭ zachodnich krainach», — skazaŭ Pucin, adkazvajučy na pytańnie amierykanskaha žurnalista.
«Vy možacie mnie pavieryć, možacie nie: čałaviek, jaki sa mnoj havaryŭ, jašče frazu nie skončyŭ, a ja skazaŭ: ja zhodny», — dadaŭ Pucin, udakładniŭšy, što byŭ zhodny na abmien tolki pry adnoj umovie: kali b Navalny nie viarnuŭsia b u Rasiju.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary