Navalny — advakatcy ŭ 2023: «Bajusia padacca paranoikam, ale, zdajecca, u kałonii mianie prytručvajuć»
Advakatka Alaksieja Navalnaha Volha Michajłava raspaviała, što padstavaj dla jaje zavočnaha aryštu stała ich prasłuchanaja razmova z Navalnym ab mierkavanym atručvańni.
Advakatka Volha Michajłava dała intervju «Mieduzie», u jakim paviedamiła, što padčas pasiadžeńnia ŭ Basmannym sudzie Maskvy, za dzień da śmierci Navalnaha, abvinavačvańnie pradastaviła pratakoł jaje hutarki z palitykam u kałonii. Razmova pamiž imi adbyłasia ŭ krasaviku 2023 hoda. Padčas hetaj razmovy Navalny zajaviŭ, što jaho «prytručvajuć».
«Jon mnie kaža: «Słuchaj, bajusia padacca paranoikam, ale, zdajecca, mianie tut prytručvajuć». Ja adrazu, tolki vyjšaŭšy z kałonii, zrabiła pra heta post u tvitary.
My padali skarhi hienieralnamu prakuroru, dyrektaru Fiederalnaj słužby vykanańnia pakarańniaŭ, upaŭnavažanaj pa pravach čałavieka. I voś hetaja prasłuchoŭka — dokaz taho, što ja, Volha Michajłava, udzielnik «ekstremisckaj supolnaści». I sudździa Dudar vykarystała hety pratakoł jak adziny dokaz nieabchodnaści abrańnia mnie miery strymańnia. Mała taho, kali my jeździli ŭ kałoniju, usie papiery, jakija my prynosili i vynosili ź jaje, fatahrafavali. U nas ni razu nie kanfiskavali nivodnaj papiery», — raspaviała Michajłava.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary